რა მიზანსაც შეიძლება აღწევდეს უკრაინაში, იგივე მიზანს საქართველოში ვერ მიაღწევს,- ამის შესახებ „რეფორმების ჯგუფის" წევრმა, პაატა მანჯგალაძემ „დეოლიგარქიზაციის შესახებ“ კანონპროექტზე საუბრისას განაცხადა. 

მისი თქმით, უკრაინაში ოლიგარქია ცდილობს გავლენას ხელისუფლებაზე, ხოლო საქართველოში კი, ის ხელისუფლებაშია.

"პირდაპირ კოპირება კანონპროექტის, რა მიზანსაც შეიძლება აღწევდეს უკრაინაში საქართველოში ვერ მიაღწევს, რადგან საქართველოში არის სრულიად განსხვავებული სამართლებრივი რეალობა. უკრაინაში ოლიგარქია ცდილობს, კვლავ გავლენას ხელისუფლებაზე, ხოლო საქართველოში ოლიგარქია ხელისუფლებაშია, ამიტომ ერთი და იგივე კანონი არ მოემსახურება ერთი და იგივე მიზანს.

მით უმეტეს, როდესაც ოლიგარქიის შესახებ შეფასებას აკეთებს მთავრობა, რომელიც თავად არის საუკეთესო მტკიცებულება ოლიგარქიული მმართველობის იმიტომ, რომ ღარიბაშვილი, რომ არა ოლიგარქიული მმართველობა, ვერასოდეს გახდებოდა პრემიერ-მინისტრი - ეს ყველამ ვიცით. ოლიგარქიაში წარმოდგენილნი არიან ადამიანები, რომლებიც პირდაპირ ბიძინა ივანიშვილის კარზე სამსახურთან არიან დაკავშირებული: გომელაური, ლილუაშვილი და ა.შ.",- განაცხადა მანჯგალაძემ.

შეგახსენებთ, გუშინ, 21 მარტს პარლამენტმა ორი მოსმენით მიღებული „დეოლიგარქიზაციის შესახებ“ კანონპროექტი მეორე მოსმენაზე განხილვისთვის დააბრუნა.

იურიდიულ საკითხთა კომიტეტის თავმჯდომარის, ანრი ოხანაშვილის განმარტებით, კანონპროექტის მესამიდან მეორე მოსმენაზე დაბრუნების მიზეზი ვენეციის კომისიის დასკვნა გახდა.

ავტორი: ექსპრესნიუსი,

სოციალური ქსელები

კობახიძე - ჩინეთთან ურთიერთობას აქვს განსაკუთრებული მნიშვნელობა, ვხედავთ განსაკუთრებულ ღირებულებით კავშირს

ჩინეთის ვიცე-პრეზიდენტი ხან ჭენგი - ურთიერთობები სულ უფრო ძლიერდება და ჩვენი სურვილია, კიდევ უფრო განვითარდეს

მოიგეთ 10,000 ლარი საზოგადოებრივ ტრანსპორტში გადახდისას - საქართველოს ბანკის ახალი გათამაშება

დასავლეთ საქართველოში მოსალოდნელია ძლიერი ნალექი, ქარბუქი, შტორმი - სააგენტოს გაფრთხილება