2023-03-20 10:12:19, 1096 ნახვა

---

პოლონეთის ელჩი საფრანგეთში - თუ უკრაინა დამარცხდება, პოლონეთი რუსეთთან პირდაპირ კონფლიქტში ჩაერთვება

თუ უკრაინა ომში დამარცხდება, პოლონეთი რუსეთის ფედერაციასთან პირდაპირ კონფლიქტში ჩაერთვება, - ამის შესახებ საფრანგეთში პოლონეთის ელჩმა, იან ემერიკ როშიშევსკიმ განაცხადა.

როგორც პოლონეთის ელჩმა ფრანგულ ტელეარხ LCI-თან საუბრისას აღნიშნა, როდესაც საფრთხე ღირებულებებს დაემუქრება, პოლონეთს არჩევანი აღარ ექნება.

„დღეს ან უკრაინა დაიცავს თავის დამოუკიდებლობას, ან თუ ვერ დაიცავს, ჩვენ იძულებული ვიქნებით, ჩავერთოთ ამ კონფლიქტში, რადგან საფრთხე ემუქრება ჩვენს ღირებულებებს, რომლებიც ჩვენი ცივილიზაციის საფუძველია, ამიტომ არჩევანი არ გვექნება“, - ამბობს პოლონეთის ელჩი. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი