საკონცენტრაციო ბანაკის ტყვეს ჰგავსო, ნამდვილად ეგრეა. როგორც კი წამოიწევა, არის ცარიელი ჩონჩხი - გული გაგიჩერდება, - ამის შესახებ საქართველოს მესამე პრეზიდენტის დედამ, გიული ალასანიამ მიხეილ სააკაშვილთან დაკავშირებით განაცხადა.

როგორც ალასანიამ მედიის წარმომადგენლებთან საუბრისას აღნიშნა, პოლონელი ექიმები ექსპრეზიდენთან ვერ ჩამოდიან, რადგან საქართველო ნებართვას არ გასცემს.

„საშინელება მე რომ მკითხოთ, ამაზე უარესი უკვე სიკვდილია. საკონცენტრაციო ბანაკის ტყვეს ჰგავსო, ნამდვილად ეგრეა. როგორც კი წამოიწევა არის ცარიელი ჩონჩხი, გული გაგიჩერდება. [პოლონელი ექიმები] ვერ ჩამოდიან, ფაქტია იმიტომ, რომ ის ხალხი გამზადებულია მთელი აღჭურვილობით, თავიანთი მანქანით, რომელშიც ყველაფერია იმისთვის, რომ გაისინჯოს ადამიანი, დაწერონ დასკვნა, მაგრამ ფაქტია, რომ ვერ ჩამოდიან, რადგან ნებართვას აქედან არ აძლევენ, მით უმეტეს, რომ 27 ქვეყანა მიმართავდა“, - ამბობს ალასანია.

ცნობისთვის, დღეს, 19 მარტს „ერთიანი ნაციონალური მოძრაობის“ თავმჯდომარემ, ლევან ხაბეიშვილმა მოუწოდა „ქართულ ოცნებას“, რომ პოლონელი ექიმების საქართველოში ჩამოსასვლელად თანხმობა გასცეს.

ავტორი: ექსპრესნიუსი,

სოციალური ქსელები

ამერიკის შუალედური არჩევნები 2026: რეფერენდუმი ტრამპზე და დემოკრატების ისტორიული შანსი

პეტერბურგში დიზელის დეფიციტია მას შემდეგ, რაც საწვავი სასწრაფოდ გაიგზავნა შეერთებულ შტატებში

დიდი ბრიტანეთი იმიგრაციის წესებს ამკაცრებს

ტაკერ კარლსონი - აშშ-მ შესაძლოა ირანზე ბირთვული დარტყმა უახლოეს დღეებში განახორციელოს