საქართველოს პრეზიდენტი გიორგი მარგველაშვილი თბილისის ივანე ჯავახიშვილის სახელობის სახელმწფო უნივერსიტეტს 97 წლისთავს ულოცავს.

გიორგი მარგველაშვილი  უნივერისტეტს ყველა სასიკეთო წამოწყებაში თანადგომას პირდება.

„ძვირფასო პროფესორებო და სტუდენტებო, უნივერსიტეტის თანამშრომლებო და კურსდამთავრებულებო, გულითადად გილოცავთ უნივერსიტეტის დაარსებიდან 97წლისთავს.

ამ დღეს ვულოცავ მთლიანად ქართულ საზოგადოებას. ივანე ჯავახიშვილის, პეტრე მელიქიშვილის, კონსტანტინე აფხაზის, ექვთიმე თაყაიშვილის, დიმიტრი უზნაძისა და ჩვენი ქვეყნის სხვა უდიდეს შვილთა მიერ დაარსებული ჩვენი დედა-უნივერსიტეტი მეტია, ვიდრე  საგანამანათლებლო დაწესებულება - იგი ჩვენი ისტორიული საგანძური, კულტურისა და აზროვნების უმნიშვნელოვანესი კერა, საზოგადოებრივი ცხოვრების ძლიერი ბურჯია.

ჩვენი ქვეყნის ხვალინდელ დღეზე - ძლიერ, თანამედროვე, თვითმყოფადი და უნიკალური კულტურით გამორჩეულ საქართველოს მომავალზე რომ ვფიქრობთ, ბუნებრივად წარმოვიდგენთ უნივერსიტეტს, როგორც ამ მომავლის ერთ-ერთ მთავარ სამჭედლოს. აქ ჩვენი უმთავრესი კაპიტალი - ჩვენი ახალგაზრდობის ნიჭი და უნარები იწრთობა და ვითარდება.

ამდენად, უნივერსიტეტზე  ზრუნვა - ჩვენი ქვეყნის ხვალინდელ დღეზე ზრუნვას ნიშნავს და ეს ყველა ჩვენგანის მოვალეობაა.

გპირდებით თანადგომას ყველა სასიკეთო წამოწყებაში და წარმატებებს გისურვებთ იმ დიდ, საპასუხისმგებლო საქმეში, რასაც ცოდნის დაუფლება და შემოქმედებითი განვითარება ჰქვია“,-ნათქვამია პრეზიდენტის მისალოც წერილში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება