მთელმა მსოფლიომ ნათლად იცის, რა სისასტიკე და ბოროტება შეუძლია რუსეთს. და თან დაინახა, რა შეუძლია უკრაინას, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

მისივე თქმით, უკრაინა არ შეშინდება და ყოველთვის დაიცავს მშობლიურ ქალაქებსა და სოფლებს, იქამდე სანამ, უკრაინა გამარჯვებას არ იზეიმებს.

"ყოველი ჩვენგანისთვის არ არსებობს უცხო ქალაქები, სოფლები, ქუჩები. ყველა ქალაქი მშობლიურია. ყველა სოფელი მშობლიურია. ყველა ქუჩა მშობლიურია. მაშინაც კი, თუ ცხოვრებაში იქ არასდროს ვყოფილვართ.

ვოლნოვახა, ჰოსტომელი, მარიუპოლი, ხარკივი, ხერსონი, ჩერნიგოვი. ერთი წელი გავიდა, რაც ეს ქალაქები გმირი ქალაქები გახდნენ. დაუმარცხებლობის სიმბოლოები. გამძლეობისა და შეუდრეკლობის მაგალითები.

მთელმა მსოფლიომ ნათლად იცის, რა სისასტიკე და ბოროტება შეუძლია რუსეთს. და თან დაინახა, რა შეუძლია უკრაინას. ჩვენ ერთმანეთისთვის ვდგავართ. ყოველთვის. არ შეგვეშინდება, არ გავტყდებით და არ დავნებდებით. ჩვენ დავიცავთ ჩვენს ლურჯსა და ყვითელს. გამარჯვებამდე", - განაცხადა ზელენსკიმ.

ავტორი: ექსპრესნიუსი,

სოციალური ქსელები

აშშ-ის სენატორებმა მოითხოვეს Starlink-ის რუსეთის ტერიტორიაზე საჰაერო დარტყმებისთვის გამოყენების ნებართვა

საფრანგეთში ფასების ზრდის წინააღმდეგ საპროტესტო აქციები განახლდა - ორგანიზატორების თქმით, 800 000 ადამიანი მონაწილეობდა.

უკრაინული დრონები თავს დაესხნენ ომსკში, საზღვრიდან 2500 კილომეტრში მდებარე Ozon-ის საწყობს და ნავთობქიმიურ ქარხანას

ტრამპი: აშშ ირანზე დარტყმას 25 ოქტომბრიდან განიხილავს, თუმცა მნიშვნელოვანი შეთანხმების მიღწევა შესაძლებელია