კომპლექსური საკითხია, რას გამოიძიებს და რას მოგვცემს ეს კომისია, მაგრამ მე პირადად დიდი სიამოვნებით დავსვამდი რამდენიმე კითხვას, რაც მემაწუხებს, როგორც მოქალაქეს, - ამის შესახებ "ქართული ოცნების" აღმასრულებელმა მდივანმა, მამუკა მდინარაძემ ტელეკომპანია "იმედში" საუბრისას განაცხადა.

მისივე თქმით, არსებობს შეკითხვები, რომელიც პასუხს საჭიროებს, მაგრამ, როდესაც ოპოზიციას კითხვებზე პასუხი არ გააჩნია, მმართველი პარტიის მიერ წარმოთქმულ თითოეულ აზრს რუსეთთან აკავშირებს.

"კომპლექსური საკითხია, რთულია, არ არის მარტივი ამბავი, ეს კომისია რას მოგვცემს, რას არ მოგვცემს, რა შედეგები იქნება, რას გამოიძიებს ქვეყანა და ვთქვათ, საპარლამენტო კომისია, მაგრამ მე პირადად დიდი სიამოვნებით დავსვამდი რამდენიმე კითხვას, რაც მაწუხებს, როგორც მოქალაქეს.

შეიძლება, მე და ბატონ ფრიდონს ცოტა სხვადასხვა მიმართულებით გვქონდეს ეს კითხვები... ამის გამოც გვადანაშაულეს და საყვედურებიც იყო ჩვენი მისამართით, რომ იცით რა, ოცნება ვერ ბედავს ამაზე ლაპარაკს.

რაც გასაბედია, ყველაფერს ვბედავთ, რა, მე მგონია, რომ აქ ჩვენ პრობლემა არ გვაქვს, ბოლო დროს განსაკუთრებით, მაგრამ არის რაღაც საკითხები, სადაც შეიძლება, მორიდება ჯობდეს ამ საკითხებზე საუბარს, მაგრამ არსებობს ისეთი კითხვები, რაზეც დღესაც, ამ ეთერში დავსვამ შეკითხვას და პასუხად გარანტირებულად გეუბნებით, ხვალ დილიდან ისევ მივიღებთ, რომ აი, რუსეთი... პასუხი როცა არ აქვთ, გაჰკივიან - რუსეთი", - განაცხადა მდინარაძემ.

ავტორი: ექსპრესნიუსი,

სოციალური ქსელები

ევროპარლამენტი ევროკავშირში VPN-ების შეზღუდვას განიხილავს

შერის 49 წლის შვილი დედას სასამართლოში უჩივის ფინანსური დახმარების გაუქმების გამო

Forbes-ის მონაცემებით, დონალდ ტრამპის ქონება პრეზიდენტობის ერთ წელიწადში, 1.4 მილიარდი დოლარით გაიზარდა

მოსაყდრე შიო - ღირსეულად და წარმატებით უნდა ჩავატაროთ ის დიდი მოვლენა, რაც ხვალ გველის ყველას