2023-02-28 23:52:33, 1055 ნახვა
ომი უკრაინაში
ანა მალიარი - უკრაინის შეიარაღებულმა ძალებმა „ვაგნერის“ ქვედანაყოფების უმეტესობა გაანადგურეს
რუსები იძულებულნი არიან შეცვალონ „ვაგნერელები“ რუსული არმიის სამხედროებით, - ამის შესახებ უკრაინის თავდაცვის მინისტრის მოადგილემ, ანა მალიარმა განაცხადა.
მისივე თქმით, კერძო სამხედრო კომპანია „ვაგნერის“ ქვედანაყოფების უმეტესობა უკრაინის შეიარაღებულმა ძალებმა ბახმუტის მახლობლად გამართულ ბრძოლებში გაანადგურეს.
მან დასძინა, რომ ბახმუტში ვითარება კვლავ დაძაბული, მტერი აღემატება უკრაინის დამცველებს, მაგრამ ოკუპანტების დანაკარგები გაცილებით მეტია.
"რუსები იძულებულნი არიან შეცვალონ ვაგნერელები რუსული არმიის სამხედროებით, რადგან „ვაგნერის“ ქვედანაყოფების უმეტესობა გაანადგურეს უკრაინის შეიარაღებულმა ძალებმა", - განაცხადა მალიარმა.
ავტორი: ექსპრესნიუსი,
epn.ge (@expressnews.ge)
