ამჟამად არის უნიკალური ვითარება, როდესაც შესაძლებელია უკრაინაში კონფლიქტის დასრულება, - ამის შესახებ ბელარუსის პრეზიდენტმა, ალექსანდრე ლუკაშენკომ ჩინურ მედიასთან ინტერვიუში განაცხადა. 

ლუკაშენკოს თქმით, შესაძლოა ამგვარი სიტუაცია აღარც დადგეს, იმ შემთხვევაში, თუ რუსეთი საკუთარ ეკონომიკას მთლიანად ომის ფუნდამენტზე გადააქცევს. 

"ახლა არის უნიკალური სიტუაცია (მე ამას ვხედავ და ინტუიციურად ვგრძნობ), როდესაც შესაძლებელია ამ კონფლიქტის დასრულება. სხვა მსგავსი შეიძლება არ იყოს. ჩვენ უნდა ვისარგებლოთ ამ მომენტით, სანამ რუსეთი სრულად არ განათავსებს თავის ეკონომიკას და არ დააყენებს მას ომის ფუნდამენტზე. უნიკალური მომენტია”,- განაცხადა ლუკაშენკომ. 

რუსეთის პრეზიდენტის, ვლადიმერ პუტინის მიზანი, ბელორუსის ლიდერის თქმით, უპირველეს ყოვლისა, მისი ქვეყნის უსაფრთხოების უზრუნველყოფაა, "რათა არასოდეს იყოს რუსეთის წინააღმდეგ აგრესიის ნიშნები უკრაინის ტერიტორიიდან".

„რუსეთი დღეს მზადაა მშვიდობიანი მოგვარებისკენ გადადგას ნაბიჯები. ის ამას პირველივე დღეებიდან აკეთებს. მე მჯერა, რომ დასავლეთი და ამერიკელებმა აიძულეს კიევი არ ეწარმოებინა მოლაპარაკებები. რუსეთმა შესთავაზა მოლაპარაკება. პირველივე დღიდან ჩვენ ვიყავით ამ პროცესის მონაწილეები, მოვაწყვეთ, ვნახეთ“, - განაცხადა ალექსანდრე ლუკაშენკომ. 

ბელარუსის თვითგამოცხადებულმა პრეზიდენტმა ასევე დასძინა, რომ ადრე თუ გვიან ნებისმიერი ომი მშვიდობით მთავრდება და არც ახლაა გამონაკლისი. ერთადერთი საკითხია, რამდენი ადამიანი დაიღუპება და რისი სახელით.

ავტორი: ექსპრესნიუსი,

სოციალური ქსელები

ილონ მასკმა უკრაინის შეიარაღებული ძალები Starlink-ის შეტევითი თავდასხმებისთვის გამოყენებაში დაადანაშაულა

იტალიაში ახალი საპროტესტო აქციები გაიმართა: 400-მდე დემონსტრანტი დააკავეს

აშშ-ის სენატორებმა მოითხოვეს Starlink-ის რუსეთის ტერიტორიაზე საჰაერო დარტყმებისთვის გამოყენების ნებართვა

საფრანგეთში ფასების ზრდის წინააღმდეგ საპროტესტო აქციები განახლდა - ორგანიზატორების თქმით, 800 000 ადამიანი მონაწილეობდა.