უკრაინის პრეზიდენტმა ვოლოდიმირ ზელენსკიმ ხელი მოაწერა სამ განკარგულებას, რომელიც რუსეთის ფედერაციის წინააღმდეგ ახალი სანქციების დაწესებას მოიცავს.

როგორც უკრაინის სახელმწიფოს მეთაურმა ვიდეომიმართვაში აღნიშნა, ტერორისტულ სახელმწიფოს წინააღმდეგ უკრაინისა და მსოფლიოს ზეწოლა გაგრძელდება.

„დღეს არის ჩვენი სახელმწიფოს ახალი გადაწყვეტილებები სანქციების შესახებ, მათ წინააღმდეგ, ვინც მონაწილეობს ან ეხმარება რუსეთს ომის წარმოებაში და სიცოცხლისა და ადამიანების განადგურებაში. იმ რუსების წინააღმდეგ, რომლებიც მონაწილეობენ უკრაინელი ბავშვების გატაცებაში. რუსეთის სპორტის სექტორის წარმომადგენლების წინააღმდეგ და მათ წინააღმდეგ, ვინც ეხმარება რუსეთში დაქირავებული სტრუქტურების შენარჩუნებას უკრაინისა და ყველა თავისუფალი ხალხის წინააღმდეგ“, - განაცხადა ზელენსკიმ.

შეგახსენებთ, რომ რუსეთის მიერ უკრაინაში სრულმასშტაბიანი შემოჭრის წლისთავზე, ამერიკის შეერთებულმა შტატებმა გააფართოვა სანქციები აგრესორი ქვეყნის წინააღმდეგ. სანქციების სიაში შედის 22 ფიზიკური და 83 იურიდიული პირი რუსეთის ფედერაციიდან.

გარდა ამისა, 24 თებერვალს ევროკავშირმა დაამტკიცა ანტირუსული სანქციების მე-10 პაკეტი. სამი დიდი ბანკი - Tinkoff, Alfa-Bank და Rosbank - მოხვდა შავ სიაში. სანქციები ასევე ეხება ფიზიკურ და იურიდიულ პირებს, რომლებიც ასოცირდება "ვაგნერის ჯგუფთან" , რუს პროპაგანდისტებთან და ა.შ.

პარასკევს საღამოს G7-ის ქვეყნების (გერმანია, დიდი ბრიტანეთი, აშშ, კანადა, საფრანგეთი, იტალია და იაპონია) ლიდერებმა და ევროკავშირის ხელმძღვანელობამ ასევე  განაცხადეს, რა იქნება მათი შემდეგი ნაბიჯები რუსეთის წინააღმდეგ სანქციების დაწესებაში.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი