ოკუპაციის კვირეულის ფარგლებში, საქართველოს თავდაცვის ძალების სხვადასხვა ქვედანაყოფის სამხედრო მოსამსახურეები საქართველოს ეროვნულ მუზეუმს ესტუმრნენ.

თავდაცვის სამინისტროს ცნობით, პირად შემადგენლობას საბჭოთა ოკუპაციის მუზეუმში უმასპინძლეს და სამხედრო მოსამსახურეებს ქვეყნის ოკუპაციის ისტორიის მნიშვნელოვანი ფაქტები გააცნეს.

"თავდაცვის ძალების წარმომადგენლებმა მუზეუმის მუდმივ ექსპოზიციაში წარმოდგენილი საქართველოს ოკუპაციის (1921წ.), საქართველოს ეროვნულ-განმათავისუფლებელი და ანტი-საოკუპაციო მოძრაობის 70-წლიანი ისტორიის ამსახველი ექსპონატები დაათვალიერეს. 

სამხედროების მუზეუმში ვიზიტი საქართველოს კულტურის, სპორტისა და ახალგაზრდობის სამინისტროს, ეროვნულ მუზეუმსა და თავდაცვის სამინისტროს შორის არსებული თანამშრომლობის ფარგლებში განხორციელდა. სამხედრო მოსამსახურეების ეროვნულ მუზეუმში სტუმრობას შემეცნებითი ხასიათი აქვს და პატრიოტული სულისკვეთების ამაღლებას ისახავს მიზნად", - ნათქვამია თავდაცვის უწყების ინფორმაციაში.

ავტორი: NS (სტატია დაფინანსებულია),

სოციალური ქსელები

რუსთავი 2: ევროპული სახელმწიფოს სასარგებლოდ ჯაშუშობისთვის გიორგი უძილაური დააკავეს

პაპუაშვილი: პრეზიდენტ ზელენსკის მოუწია ირაკლი კობახიძესთან მისვლა და საუბარი

რასა იუკნევიჩიენე: ახლა საქართველო ყველაზე ცუდ კანდიდატებს შორისაა

თიბისის 5 ჯილდო The Digital Banker-ისგან საუკეთესო ციფრული გამოცდილება აღმოსავლეთ ევროპაში