2023-02-23 10:50:17, 914 ნახვა
მსოფლიო
ტაჯიკეთში, ჩინეთის საზღვართან ახლოს, 7.2 მაგნიტუდის სიმძლავრის მიწისძვრა მოხდა
ტაჯიკეთში, ჩინეთის საზღვართან ახლოს 7.2 მაგნიტუდის სიმძლავრის მიწისძვრა მოხდა. აღნიშნულ ინფორმაციას ჩინეთის სახელმწიფო ტელევიზია (CCTV) ქვეყნის მიწისძვრის ქსელების ცენტრზე (CENC) დაყრდნობით ავრცელებს.
CENC-ის ინფორმაციით, მიწისქვეშა ბიძგები, ადგილობრივი დროით 08:37 საათზე, დედამიწის ზედაპირიდან 10 კილომეტრის სიღრმეზე დაფიქსირდა.
მათივე ცნობით, ეპიცენტრი ჩინეთ-ტაჯიკეთის საზღვრიდან, დაახლოებით, 82 კილომეტრში, ტაჯიკეთის ტერიტორიაზე იყო და ჩინეთის დასავლეთ სინძიანის რეგიონის ზოგიერთ რაიონში, მათ შორის კაშგარსა და არტუქსშიც ძლიერად იგრძნობოდა.
მსხვერპლისა და ნგრევის შესახებ ინფორმაცია არ გავრცელებულა.
ავტორი: ექსპრესნიუსი,
epn.ge (@expressnews.ge)
