აშშ-ის მთავრობის შეფასებით, საერთაშორისო დამნაშავეთა ჯგუფად აღიარებულმა "ვაგნერმა" დაკარგა 30000-ზე მეტი დაჭრილი და მოკლული უკრაინაში რუსეთის შეჭრის შემდეგ. - ამ შეფასებას აშშ-ის ეროვნული უშიშროების საბჭოს წარმომადგენელი ჯონ კირბი აკეთებს, ამის შესახებ CNN იუწყება.

მისი თქმით, საუბარია 9 ათას მოკლულზე, მათგან ნახევარი დეკემბრის შუა რიცხვებიდან მოკლულია, ხოლო დეკემბერში დაღუპულთა დაახლოებით 90% რუსეთის ციხეებიდან იყო აყვანილი.

„ისინი თავიანთ ახალწვეულებს, ძირითადად მსჯავრდებულებს, როგორც ქვემეხის საკვებს ისე ექცევიან, სიტყვასიტყვით ხორცსაკეპ მანქანაში აგდებენ არაადამიანურად, ყოველგვარი ფიქრის გარეშე. ადამიანებს ციხებიდან უშვებენ და ბრძოლის ველზე აგდებენ მომზადების, აღჭურვილობის და ორგანიზაციული ხელმძღვანელობის გარეშე“, - ამბობს კირბი.
ცოტა ხნის წინ  ვაგნერმა ზარალი განიცადა ბახმუტისთვის სასტიკ ბრძოლებში. კირბი აღნიშნავს, რომ რუსეთი „ეტაპობრივ მიღწევებს“ აღწევს ქალაქსა და მის გარშემო, რადგან ბოლო რამდენიმე დღის განმავლობაში ბრძოლები გაძლიერდა.

მისი თქმით, შეერთებულ შტატებს არ შეუძლია წინასწარ განსაზღვროს, დაიკავებს თუ არა ბახმუტს რუსეთი, მაგრამ მაშინაც კი, თუ ეს მოხდება, ქალაქს "არავითარი რეალური სტრატეგიული ღირებულება არ აქვს".

ავტორი: ექსპრესნიუსი,

სოციალური ქსელები

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა

ევროსაბჭოს კომისარმა საქართველოს ხელისუფლებას შემზღუდავი კანონების გაუქმებისკენ მოუწოდა

კალასი: ევროკავშირმა შესაძლოა კვლავ წამოჭრას „ოცნებისა“ და ივანიშვილის წინააღმდეგ სანქციების საკითხი