საქართველოს მესამე პრეზიდენტის დედის, გიული ალასანიას განცხადებით, მიხეილ სააკაშვილი რეანიმაციაში ისევ არ გადაუყვანიათ. 

როგორც გიული ალასანიამ ჟურნალისტებთან საუბრისას განაცხადა, ექსპრეზიდენტმა გამოთქვა სურვილი, რომ დღევანდელ სასამართლო სხდომას დაესწროს, თუმცა უცნობია, მისცემს თუ არა მისი ჯანმრთელობის მდგომარეობა ამის საშუალებას.

"ისევ არის პალატაში, არ ვიცი რატომ არ გადაიყვანეს. მე არანაირი ინფორმაცია არ მაქვს. ვიცი, რომ ადამიანს აქვს შავი ფერი აბსოლუტურად, ჩავარდნილი ყველაფერი. საწამლავი ისევ აქვს ორგანიზმში, ნევროლოგიური მდგომარეობა ისევ იგივეა. 

პროცესი იწყება, აპირებს ჩართვას, თუ მისცა ჯანმრთელობის მდგომარეობამ საშუალება, ყოველ შემთხვევაში თვითონ განწყობილია, რომ ჩაერთოს",- განაცხადა ალასანიამ. 

შეგახსენებთ, რომ გუშინ "ერთიანი ნაციონალური მოძრაობის" წევრმა, გიორგი ჩალაძემ განაცხადა, რომ მიხეილ სააკაშვილს რეანიმაციაში გადასაყვანად ამზადებდნენ. მისივე თქმით, ექსპრეზიდენტის მდგომარეობა კრიტიკულ ზღვარზეა. 

აღნიშნული ინფორმაცია არ დაადასტურა კლინიკა "ვივამედის" დირექტორმა, ნინო ნადირაძემ. მისი თქმით, ექსპრეზიდენტი რეანიმაციაში არ გადაუყვანიათ და ისევ "ვივამედის" პალატაში იმყოფება.

ავტორი: ექსპრესნიუსი,

სოციალური ქსელები

ზელენსკის ყოფილ პრესმდივანს ღალატში ბრალი წაუყენეს

Bloomberg: აშშ-ში არჩევნების შემდეგ, კრემლი გააძლიერებს უკრაინაზე თავდასხმებს, დაგეგმილი მოლაპარაკებების მიუხედავად

კობახიძე აგენტების კანონზე - - როდესაც ვენეციის კომისია ან ევროკომისია აცხადებს, რომ ეს კანონმდებლობა ევროპულ სტანდარტებთან შეუთავსებელია - ეს სრული სიცრუეა

კობახიძე - 2022 წლის მარტში საქართველომ, ევროკავშირის წევრობის კანდიდატის სტატუსის მისაღებად განაცხადი წარადგინა, თუმცა საქართველოს განაცხადი არ დაკმაყოფილდა, ეს იყო დიდი შეცდომა