ირანში ახალგაზრდა წყვილს 10 წლითა და ექვსთვიანი თავისუფლების აღკვეთა მიუსაჯეს მას შემდეგ, რაც მათ თეირანის აზადის მოედანზე ცეკვის ვიდეო გამოაქვეყნეს. ამის შესახებ Al Arabiya იუწყება. გოგონა ჰიჯაბის გარეშე ცეკვავდა.
ასტიჯა ჰაგიგი და მისი საქმრო ამირ აჰმადი 20 წელზე ცოტათი მეტის არიან. ვიდეოს გავრცელების შემდეგ მათ ბრალი წაუყენეს „მანკიერების გავრცელებაში“, „ეროვნული უსაფრთხოების ხელყოფის მიზნით შეთქმულებაში“ და ანტირეჟიმულ პროპაგანდაში.

გარდა პატიმრობისა, მათ მიესაჯათ ინტერნეტით სარგებლობის ორწლიანი აკრძალვა და ქვეყნიდან გასვლის ორწლიანი აკრძალვა.

სასამართლო პროცესზე წყვილს უარი ეთქვა იურიდიულ დახმარებაზე.

2022 წლის სექტემბერში ირანში საპროტესტო აქციები გაიმართა, რომელიც 22 წლის აქტივისტის მაჰსა ამინის გარდაცვალების შემდეგ დაიწყო. გოგონა 13 სექტემბერს თეირანში პოლიციის ვიცე-პოლიციამ ჰიჯაბის არასწორად ტარების გამო დააკავა. თვითმხილველებმა განაცხადეს, რომ ამინი სცემეს დაკავების ფურგონში, თუმცა პოლიციამ ეს უარყო. დაკავებიდან ორი საათის შემდეგ იგი საავადმყოფოში გადაიყვანეს, სადაც გარდაიცვალა. ექიმებმა ამინის ინსულტის და გულის შეტევის დიაგნოზი დაუსვეს. პოლიცია ცემის ბრალდებას უარყოფს და აცხადებს, რომ გარდაცვლილს უბრალოდ გულის პრობლემები ჰქონდა.

მას შემდეგ ირანში მასიური საპროტესტო გამოსვლები მოედო. Amnesty International-მა განაცხადა, რომ ირანის ხელისუფლება ითხოვს სიკვდილით დასჯას ყალბი ბრალდებების სასამართლო პროცესებში, სულ მცირე, 26 ადამიანისთვის, რომლებიც საპროტესტო აქციების დროს დააკავეს. რამდენიმე სასიკვდილო განაჩენი უკვე აღსრულდა.

ყველა დაკავებულს, რომელსაც სიკვდილით დასჯა ემუქრება, ეკრძალება არასამთავრობო ადვოკატთან წვდომა. უფლებადამცველები აცხადებენ, რომ დანიშნული ადვოკატები სასამართლოში ბრალდებულს არ იცავდნენ.

ავტორი: ექსპრესნიუსი,

სოციალური ქსელები

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს