თბილისის საქალაქო სასამართლო საქართველოს მესამე პრეზიდენტის სასჯელის გადავადების ან სასჯელისგან გათავისუფლების შუამდგომლობას განიხილავს. სასამართლო პროცესზე ფიზიკურად დასწრების სურვილი გამოთქვა თავად მიხეილ სააკაშვილმა, თუმცა როგორც მოსამართლე გიორგი არევაძემ განაცხადა, პენიტენციურმა სამსახურმა და კლინიკა "ვივამედმა" ექსპრეზიდენტს სხდომაზე დასასწრებად ტრანსპორტირების რეკომენდაცია არ მისცეს.

სასამართლო პროცესზე დღეს ნობელის პრემიის ლაურეატი ექიმი ჯეიმს კობი დაიკითხება. გარდა ამისა, როგორც მესამე პრეზიდენტის უფლებადამცველმა, შალვა ხაჭაპურიძემ ჟურნალისტებს პროცესის დაწყებამდე განუცხადა, დაცვის მხარე, მოწმეთა დაკითხვის რეგლამენტის განსაზღვრის მიზნით, შუამდგომლობის დაყენებას აპირებს. 

"დავაყენებთ შუამდგომლობას - ეს არის საქმის წარმოების ინგლისური მოდელი, როდესაც მხარეები თანხმდებიან და მოსამართლე ამას აკმაყოფილებს, რომ შევიზღუდოთ გარკვეულად დროში. ამასთან დაკავშირებით პროცესზე ვიმსჯელებთ. მე ვფიქრობ, რომ თითო მოწმის დასაკითხად უნდა გამოიყოს ერთი საათი. ეს დააჩქარებს პროცესებს და რამდენიმე დღეში სხდომები დამთავრდება... დღეს დაიკითხება კობი და თუ დრო დაგვრჩება, ვგეგმავთ კიდევ ორი მოწმის დაკითხვას", - განაცხადა ხაჭაპურიძემ.

შეგახსენებთ, რომ ექსპრეზიდენტის გათავისუფლების ან სასჯელის გადავადების მოთხოვნით, მისმა ადვოკატმა, შალვა ხაჭაპურიძემ სასამართლოს შუამდგომლობით 1-ელ დეკემბერს მიმართა.

მესამე პრეზიდენტის უფლებადამცველის შუამდგომლობას უძღოდა წამების მსხვერპლთა ფსიქოლოგიური რეაბილიტაციის ცენტრ "ემპათიას" დასკვნა, რომლის მიხედვითაც მიხეილ სააკაშვილს 20-ზე მეტი დიაგნოზი თუ სიმპტომო-კომპლექსი აღენიშნება, აქედან წამყვანია, დაახლოებით, 10 დიაგნოზი, რაც შეუთავსებელს ხდის პატიმრობას.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო