ევროკავშირმა უკრაინას 1000 მაღალი ძაბვის გენერატორი მიაწოდა - ამის შესახებ, საკუთარ ტვიტერზე  ევროკომისარმა კრიზისების მართვის საკითხებში იანეზ ლენარჩიჩმა დაწერა. 

„ევროკავშირის სამოქალაქო დაცვის მექანიზმის პროგრამამ უკვე შესაძლებელი გახადა უკრაინისთვის ასეთი დახმარების და თითქმის 78 000 ტონის მიწოდება“, - წერს ის.

მანამდე არაბთა გაერთიანებულმა საამიროებმა გამოაცხადეს, რომ უკრაინაში მშვიდობიანი მოსახლეობისთვის 3,5-დან 8 კილოვატამდე სიმძლავრის 2500 გენერატორს აგზავნის.

პირველი 1200 გენერატორი ვარშავაში დღეს გაიგზავნება, დანარჩენს კი მომავალი წლის იანვარში უკრაინის მოსახლეობისთვის მიეწოდება, იტყობინება საუდის საინფორმაციო სააგენტო.

შეგახსენებთ, რომ საქართველოდან უკრაინაში 25 ერთეული მაღალი სიმძლავრის გენერატორი გაიგზავნა. ეკონომიკის სამინისტროს ინფორმაციით, აღნიშნული გენერატორები პრემიერ-მინისტრის, ირაკლი ღარიბაშვილის დავალებით, საქართველოს ეკონომიკისა და მდგრადი განვითარების სამინისტროს სისტემაში შემავალმა „საქართველოს სახელმწიფო ელექტროსისტემამ“ შეიძინა და მათი საერთო ღირებულება 1,5 მლნ ლარია.

ავტორი: ექსპრესნიუსი,

სოციალური ქსელები

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ

სამადაშვილი - რუსების მოკავშირე ავტოკრატია დაემხო სერბეთში. რუსეთმა და ივანიშვილის რეჟიმმა კიდევ ერთი მოკავშირე დაკარგა

transparency international - ოცნება სულ მცირე 800 000 მოქალაქეს პოლიტიკური არჩევანის გარეშე დატოვებს