უკრაინის უსაფრთხოების სამსახურის უფროსის, ვასილ მალიუკის ინფორმაციით, ყირიმის ხიდზე მომხდარ აფეთქებასთან დაკავშირებით რუსეთის ფედერაციის ფსევდოგამოძიების ფარგლებში რუსეთის 22 მოქალაქეა დაკავებული. 

როგორც მალიუკიმ ტელეარხ "1+1" -ისთვის მიცემულ ინტერვიუში განაცხადა, რუსები მათ აწამებენ და პოლიგრაფიულ გამოკვლევებს უტარებენ.

SBU-ს ხელმძღვანელი ასევე ამბობს, რომ ომის ყველა კანონის თანახმად, უკრაინას უნდა გაეჭრა რუსეთის ისეთი ლოგისტიკური მარშრუტი, როგორიცაა ყირიმის ხიდი. 

„საერთაშორისო სამართლის ნორმებით, მოქმედი კანონმდებლობის ნორმებით, ომის წეს-ჩვეულებებით და ოპერატიული სიტუაციის ანალიზიდან გამომდინარე, ჩვენ უბრალოდ ვალდებულნი ვიყავუთ იქ გაგვეწყვიტა მტრის ლოგისტიკა.

თუმცა დღეს ამაზე ვერანაირად ვერ გავაკეთებ კომენტარს. დროთა განმავლობაში ყველაფერი ცნობილი გახდება. ვნახოთ თავად რუსები რას მოიმოქმედებენ. ყველა დეტალს ჩვენი გამარჯვების შემდეგ გავიგებთ", - განაცხადა უსაფრთხოების სამსახურის უფროსმა. 

ცნობისთვის, 8 ოქტომბერს დილით ცნობილი გახდა, რომ  ყირიმის ხიდის სარკინიგზო განშტოებაზე ძლიერი ხანძარი გაჩნდა .

ყირიმის საოკუპაციო ხელისუფლებამ  განაცხადა , რომ ყირიმის ხიდზე სავარაუდოდ სატვირთო მანქანა აფეთქდა. იმავდროულად, "ყირიმის პარლამენტის" ე.წ. ხელმძღვანელმა კონსტანტინოვმა განაცხადა, რომ ყირიმის ხიდზე გზის საფარი  "უკრაინელმა ვანდალებმა" დააზიანა .

ყირიმის ხიდზე გაჩენილი ხანძრის შესახებ ვლადიმერ  პუტინს აცნობეს  და მან სამთავრობო კომისიის შექმნა დაავალა.

ავტორი: ექსპრესნიუსი,

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ