სარაკეტო თავდასხმები კიდევ გარკვეული დროის განმავლობაში გაგრძელდება. ეს რუსების ერთადერთი რესურსია და სანამ ყველაფერი არ ამოეწურებათ, ისინი გააგრძელებენ იმის კეთებას, რასაც ახლა აკეთებენ, ანუ დარტყმებს ენერგეტიკაზე,- ამის შესახებ უკრაინის პრეზიდენტის ადმინისტრაციის ხელმძღვანელის მრჩეველმა, მიხაილო პოდოლიაკმა განაცხადა.

მისი თქმით, კომპრომისები და მინსკის ახალი შეთანხმებები რუსი მკვლელების სასარგებლოდ არ იქნება - რუსეთი უნდა დამარცხდეს და წავიდეს უკრაინიდან.

„ჩვენ გვესმის, რომ ეს სარაკეტო თავდასხმები კიდევ გარკვეული დროის განმავლობაში გაგრძელდება. ეს რუსების ერთადერთი რესურსია და სანამ ყველაფერი არ ამოეწურებათ, ისინი გააგრძელებენ იმის კეთებას, რასაც ახლა აკეთებენ, ანუ დარტყმებს ენერგეტიკაზე. სამაგიეროდ, ეს დარტყმები აჩქარებს ჩვენს მიერ პარტნიორებისგან აუცილებელი თავდაცვითი სისტემების მიღებას. საერთოდ, ომის ასეთი ტიპი აუცილებლად უნდა დასრულდეს ერთ-ერთი მხარის გამარჯვებით. კომპრომისები და მინსკის ახალი შეთანხმებები რუსი მკვლელების სასარგებლოდ არ იქნება. რუსეთი უნდა დამარცხდეს და წავიდეს უკრაინიდან. მხოლოდ ასე დაუბრუნდება მსოფლიოს უსაფრთხოება, სტაბილურობა და პროგნოზირებადობა“,- განაცხადა პოდოლიაკმა.

შეგახსენებთ, რომ დღეს დილით რუსმა ოკუპანტებმა უკრაინის დედაქალაქზე საჰაერო იერიში მიიტანეს.

კიევის რეგიონალური სამხედრო ადმინისტრაციის ხელმძღვანელმა ოლექსი კულებამ განაცხადა, რომ დედაქალაქზე იერიშისას, 9 უპილოტო საფრენი აპარატი ჩამოაგდეს.

ავტორი: ექსპრესნიუსი,

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ