მისი ჯანმრთელობის მდგომარეობა ამ წუთას საჭიროებს  დეტოქსიკაციას და ეს ძალიან სასწრაფოდ უნდა დაიწყოს",- ამის შესახებ ცენტრი "ემპათიის" დირექტორმა, მარიამ ჯიშკარიანმა მიხეილ სააკაშვილის ჯანმრთელობის მდგომარეობის შეფასებისას განაცხადა. 

ჯიშკარიანი ვარაუდობს,  რომ ამდენი მეტალის აღმოჩენა მცირე რაოდენობით, მიუთითებს ექსპრეზიდენტის ორგანიზმში უცნობი ნაერთის არსებობაზე. 

"როგორც ფიზიკური, ასევე ნევროლოგიური სიმპტომების კორელაცია ტოქსიკოლოგის დასკვნასთან და იმ მეტალებთან, რომელიც იქნა აღმოჩენილი, დიდი ალბათობით, პირდაპირ მიუთითებს ინტოქსიკაციაზე. თუმცა, ამდენი მეტალის აღმოჩენა მცირე რაოდენობით, შესაძლებელია ვივარაუდოთ, რომ ადგილი აქვს რაღაც ნაერთთან, რომელიც ჩვენთვის უცნობია. 

"ვივამედის" კლინიკას აქვს ჩატარებული ტოქსიკოლოგიური კვლევა, გერმანიაში და იქ არის აღმოჩენილი ძალიან მცირე რაოდენობით ოთხივე მეტალი - დარიშხანი, ტყვია, ვერცხლისწყალი და თალიუმი. შემდგომში უკვე თმის ღერზე ჩატარდა ანალიზი, იქ აღმოჩენილია არის ვერცხლისწყალი, ბისმუთი და ბარიუმი. ფრჩხილში აღმოჩენილია - მანგანუმი და კადმიუმი. ასე, რომ აქ არ არის  გამორიცხული, რომ რაიმე რთულ ნაერთთან გვქონდეს საქმე. მისი ჯანმრთელობის მდგომარეობა ამ წუთას საჭიროებს  დეტოქსიკაციას და ეს ძალიან სასწრაფოდ უნდა დაიწყოს, რადგან ეს ტოქსიკური აგენტი განაგრძობს მოქმედებას ორგანიზმში და ანგრევს, როგორც ფიზიკურ ჯანმრთელობის მდგომარეობას, ასევე ნევროლოგიას",- ამბობს ჯიშკარიანი. 

შეგახსენებთ, რომ 1-ელ დეკემბერს, წამების მსხვერპლთა ფსიქოლოგიური რეაბილიტაციის ცენტრმა "ემპათიამ" მიხეილ სააკაშვილთან დაკავშირებით კომისიური სასამართლო სამედიცინო ექსპერტიზის დასკვნა გამოაქვეყნა. დასკვნაში ნათქვამია, რომ ექსპრეზიდენტს აღენიშნება 20-ზე მეტი დიაგნოზი თუ სიმპტომო-კომპლექსი, აქედან წამყვანია, დაახლოებით, 10 დიაგნოზი, რაც შეუთავსებელს ხდის პატიმრობას.

ავტორი: ექსპრესნიუსი,

სოციალური ქსელები

ტრამპმა განაცხადა, რომ მზადაა, მიიღოს კონგრესის არჩევნების შედეგები და ითანამშრომლოს დემოკრატებთან

უკრაინულმა დრონებმა სამხრეთ რუსეთში მდებარე Ozon-ის დიდ საწყობს დაარტყა

შეერთებული შტატების კონგრესის ქვედა პალატა დემოკრატების ხელში გადადის, ისინი ყველა კომიტეტზე კონტროლს ამყარებენ

დემოკრატებმა გაიმარჯვეს წარმომადგენელთა პალატისა და სენატის არჩევნებში და მოიპოვეს კონტროლი აშშ-ის კონგრესზე