მიმდინარეობს მკვლელობა ადამიანის, არის მოთავსებული აკვარიუმში, სადაც კლავენ,- ამის შესახებ საქართველოს მესამე პრეზიდენტის დედამ, გიული ალასანიამ კლინიკა "ვივამედის" დატოვების შემდეგ განაცხადა. 

გიული ალასანია ასევე გამოეხმაურა პენიტენციური სამსახურის მიერ გამოქვეყნებულ კადრებს და აღნიშნა, რომ მიხეილ სააკაშვილის ყოველი მოძრაობა კონტროლის ქვეშაა. 

"ეს კადრების გამოქვეყნება და ყველაფერი არის ძალიან ცუდი მისი ჯანმრთელობისთვის. ფაქტობრივად მიმდინარეობს მკვლელობა ადამიანის, არის მოთავსებული აკვარიუმში, სადაც კლავენ. ყოველი მისი ამოსუნთქვა და მოქმედება არის კონტროლის ქვეშ და მიდის ამის ტრანსლაცია ქვეყნიერებაზე. როგორ უნდა იგრძნოს ადამიანმა თავი, ცხოვრება ჰქვია ამას? ეს არის სიკვდილით დასჯა",- განაცხადა ალასანიამ. 

შეგახსენებთ, რომ 14 დეკემბერს სპეციალურმა პენიტენციურმა სამსახურმა მიხეილ სააკაშვილის დამონტაჟებული კადრები გაავრცელა, რომელიც "ვივამედში", 9 აგვისტოდან 12 დეკემბრის ჩათვლით სხვადასხვა პერიოდს ასახავს. უწყებამ კადრების გასაჯაროება „მაღალი საზოგადოებრივი ინტერესით“ ახსნა.

აღნიშნულს წინ უძღოდა მესამე პრეზიდენტის სასამართლო პროცესი, რომელზეც პენიტენციურმა სამსახურმა "ტექნიკური მოწყობილობების არარსებობის" გამო, "ვივამედიდან" მიხეილ სააკაშვილის ონლაინ დასწრება არ უზრუნველყო. საპასუხოდ, ექსპრეზიდენტმა შიმშილობა გამოაცხადა, თუმცა მოგვიანებით გაავრცელა განცხადება, რომ ევროპარლამენტარების თხოვნით, შიმშილობას წყვეტდა.

ავტორი: ექსპრესნიუსი,

სოციალური ქსელები

ტრამპმა განაცხადა, რომ მზადაა, მიიღოს კონგრესის არჩევნების შედეგები და ითანამშრომლოს დემოკრატებთან

უკრაინულმა დრონებმა სამხრეთ რუსეთში მდებარე Ozon-ის დიდ საწყობს დაარტყა

შეერთებული შტატების კონგრესის ქვედა პალატა დემოკრატების ხელში გადადის, ისინი ყველა კომიტეტზე კონტროლს ამყარებენ

დემოკრატებმა გაიმარჯვეს წარმომადგენელთა პალატისა და სენატის არჩევნებში და მოიპოვეს კონტროლი აშშ-ის კონგრესზე