ძალიან უცნაურ განცხადებებს ვისმენდი, რომ ერთი თვე სჭირდება, ამდენი ხანი ვერ გასტანს უბრალოდ და თუ სიკვდილი აქვს მისჯილი, მაშინ გაგვაგებინონ, - ამის შესახებ საქართველოს მესამე პრეზიდენტის დედამ, გიული ალასანიამ მიხეილ სააკაშვილის მდგომარეობაზე საუბრისას განაცხადა. 

მისი თქმით, წერილობით ფორმით წარმოდგენილი დიაგნოზები იძლევა საფუძველს ექსპრეზიდენტის გასათავისუფლებლად. 

"ძალიან მძიმე მდგომარეობაა, დღეს, მაგალითად, რომ არ ყოფილიყო ექთანი მოკვდებოდა ადამიანი. ვერ ჭამს საერთოდ, ორი ლუკმა როგორც კი შეჭამა დაეწყო გულისრევა, მერე იხრჩობოდა უბრალოდ. 

თხოვნა არის ასეთი, რომ ან გადავადება, ან საერთოდ გათავისუფლება, იმიტომ, რომ ის დიაგნოზები რომლებიც არის უკვე წერილობით ფორმით ხო წარმოდგენილი, სხვადასხვა ექსპერტებმა გასინჯეს, იძლევა საფუძველს გასათავისუფლებლად. 

დღეს ძალიან უცნაურ განცხადებებს ვისმენდი, რომ ახალ წლამდე და ერთი თვე სჭირდება თურმე და ასე შემდეგ, სრულიად მიუღებელია, ამდენი ხანი ეს ადამიანი ვერ გასტანს უბრალოდ და თუ გადაწყვიტეს, თუ სიკვდილი აქვს მისჯილი, მაშინ გაგვაგებინონ",- განაცხადა ალასანიამ. 

შეგახსენებთ, რომ დღეს, თბილისის საქალაქო სასამართლოში საქართველოს მესამე პრეზიდენტის, მიხეილ სააკაშვილის სასჯელის გადავადებაზე იმსჯელებენ.

სხდომა 13:00 საათზეა დანიშნული და მოსამართლე გიორგი არევაძე განიხილავს. 

პროცესზე დასწრების სურვილი გამოთქვა თავად ექსპრეზიდენტმა. მისი ადვოკატის, შალვა ხაჭაპურიძის განცხადებით, თუ „ვივამედიდან" არ იქნება სათანადო ცნობა, მაშინ დააყენებენ შუამდგომლობას, რათა სასამართლო თავად მოვიდეს კლინიკაში.

პარალელურად, საქალაქო სასამართლოსთან შეკრებას და აქციას გეგმავენ მიხეილ სააკაშვილის მხარდამჭერები.

ავტორი: ექსპრესნიუსი,

სოციალური ქსელები

ტრამპმა განაცხადა, რომ მზადაა, მიიღოს კონგრესის არჩევნების შედეგები და ითანამშრომლოს დემოკრატებთან

უკრაინულმა დრონებმა სამხრეთ რუსეთში მდებარე Ozon-ის დიდ საწყობს დაარტყა

შეერთებული შტატების კონგრესის ქვედა პალატა დემოკრატების ხელში გადადის, ისინი ყველა კომიტეტზე კონტროლს ამყარებენ

დემოკრატებმა გაიმარჯვეს წარმომადგენელთა პალატისა და სენატის არჩევნებში და მოიპოვეს კონტროლი აშშ-ის კონგრესზე