ავღანეთის ხელისუფლებაში დაბრუნების შემდეგ,"თალიბებმა" პირველი საჯარო სიკვდილით დასჯა განახორციელეს. აღნიშნულ ინფორმაციას BBC ავრცელებს.

"თალიბანის" სპიკერის მიერ გავრცელებული განცხადების თანახმად, მკვლელობაში მსჯავრდებულ მამაკაცს, ფარაჰის პროვინციაში ერთ-ერთ ხალხმრავალ სპორტულ მოედანზე, მსხვერპლის მამამ სამჯერ ესროლა.

სიკვდილით დასჯას "თალიბანის" ათობით ლიდერი ესწრებოდა.

"თალიბები" ამბობენ, რომ თაჯმირი, რომელიც სიკვდილით დასაჯეს, ჰერათის პროვინციაში ცხოვრობდა და მან, დააახლოებით, 5 წლის წინ, დანით დაჭრა კაცი, სახელად მუსტაფა.

საჯარო სიკვდილის დასჯას გამოეხმაურა გაერო-ს გენერალური მდივანი ანტონიო გუტერეში, რომელმაც მომხდარის გამო, ღრმა შეშფოთება გამოთქვა.

„ჩვენ მოვუწოდებთ ავღანეთში სიკვდილით დასჯის მორატორიუმის დაბრუნებისკენ“, - განაცხადა სპიკერმა, სტეფანი ტრემბლეიმ.

"თალიბანის" უზენაესმა ლიდერმა, ჰაიბათულა ახუნდზადამ გასულ თვეში გამოსცა ბრძანება, რომელიც მოსამართლეებს ავალდებულებს ისეთი სასჯელების დაკისრებას, როგორიცაა საჯარო სიკვდილით დასჯა, საჯარო ამპუტაცია და ჩაქოლვა. რა დანაშაულებისთვის შეიძლება დაეკისროს პირს მსგავსი ტიპის სასჯელი, "თალიბანს" განსაზღვრული არ აქვს.

ავტორი: ექსპრესნიუსი,

სოციალური ქსელები

ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

თბილისის მერია - გავრცელებულ ვიდეოში ასახული სამარხი განკუთვნილია სხვადასხვა მიზეზით გარდაცვლილი ძაღლების ნეშტების განსათავსებლად

აშშ-მ მოსკოვის ერთ-ერთ ყველაზე მონახულებად პარკში შესაძლო ტერორისტული თავდასხმის შესახებ გააფრთხილა

ინდოეთმა რუსეთს უვიზო მიმოსვლაზე უარი უთხრა