უნგრეთის პრემიერ-მინისტრი ვიქტორ ორბანი ირწმუნება, რომ მისი ქვეყანა შანტაჟს არ მიმართავს, თუმცა უკრაინაში ევროკავშირის მაკროფინანსურ დახმარებას მაინც ბლოკავს .

ამასთან, მისივე თქმით, ევროკავშირის დახმარების გაწევაზე ვეტო არ დაუდია და მზადაა თავად უზრუნველყოს იგი - ორმხრივ საფუძველზე.

"დღეს სიახლე არის ის, რომ უნგრეთმა დაბლოკა ფინანსური დახმარება უკრაინას. ეს ყველაფერი ყალბია. უნგრეთი მზად არის ფინანსური დახმარება გაუწიოს უკრაინას, ოღონდ ორმხრივად. არავითარი ვეტო, არც შანტაჟი. ჩვენ გვინდა დავარწმუნოთ ევროკავშირის ქვეყნები, რომ საერთო ევროპული ვალი გამოსავალი არ არის. თუ ჩვენ გავაგრძელებთ სვლას ვალის მქონე საზოგადოებისკენ, შეუძლებელი იქნება შემობრუნება. ჩვენ სხვანაირად ვხედავთ ევროპის მომავალს - ძლიერ წევრ ქვეყნებზე დაყრდნობით, ნაცვლად უზარმაზარი საერთო ვალისა",- წერს ორბანი.

აღსანიშნავია, რომ ინფორმაცია გამოქვეყნდა ორბანის გვერდზე, რომელსაც Twitter-ზე ვერიფიკაცია არ მიუღია. თუმცა, უმსხვილესი უნგრული მედია პრემიერის ამ განცხადებასაც ციტირებს. 

შეგახსენებთ, რომ ნოემბრის დასაწყისში ევროკომისიის პრეზიდენტმა ურსულა ფონ დერ ლაიენმა უკრაინის პრეზიდენტ ვოლოდიმირ ზელენსკისთან საუბარში განაცხადა, რომ ევროკავშირი გეგმავს უკრაინას დახმარება შესთავაზოს 18 მილიარდ ევრომდე ოდენობით .

მალევე გახდა ცნობილი, რომ ევროკომისიამ წარადგინა შესაბამისი წინადადება უკრაინის მაკროფინანსური დახმარების პაკეტით და 24 ნოემბერს ევროპარლამენტმა თანხების გამოყოფაზე დათანხმდა .

სამშაბათს, 6 დეკემბერს, ევროკავშირის ფინანსთა მინისტრების შეხვედრაზე, უნგრეთმა თანხის გამოყოფა დაბლოკა. 

ავტორი: ექსპრესნიუსი,

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ