ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე თამარ ბარკალაიამ და დასაქმების ხელშეწყობის სააგენტოს დირექტორმა ნინო ველთაურმა ყირგიზეთის დელეგაციას უმასპინძლეს.

ჯანდაცვის სამინისტროს მიერ გავრცელებული ინფორმაციით, შეხვედრის მიზანს, მათთვის შრომისა და დასაქმების მიმართულებით, საქართველოში მიმდინარე თუ განხორციელებული რეფორმების გაცნობა წარმოადგენდა.

„ყირგიზეთის რესპუბლიკის შრომის, სოციალური დაცვისა და მიგრაციის სამინისტროს მაღალი რანგის წარმომადგენლებმა, ინფორმაცია მიიღეს საქართველოში შრომის ბაზრის აქტიური პოლიტიკის ღონისძიებების, დასაქმების მაძიებელთათვის პროფესიული გადამზადებისა და კარიერის დაგეგმვის პროგრამების შესახებ.

შეხვედრაზე მხარეებმა განიხილეს საქართველოში სპეციალური კატეგორიის მოქალაქეებთან მუშაობის მიდგომები. ისაუბრეს დასაქმებისა და შრომის მიმართულებით არსებულ გამოწვევებზე და მათ აღმოსაფხვრელად დაგეგმილ პროგრამებზე.

ყირგიზეთის დელეგაციის წარმომადგენლები დასაქმების ხელშეწყობის სააგენტოში მიმდინარე პროექტებს, სერვისებს, მონიტორინგისა და სპეციალური კატეგორიის მოქალაქეებთან მუშაობის მიდგომებს გაეცნენ. მოგვიანებით კი, რუსთავის დასაქმების სერვის ცენტრს ეწვივნენ და სამუშაო პროცესს ადგილზე გაეცნენ.

ყირგიზეთის დელეგაციის - შრომის, სოციალური დაცვისა და მიგრაციის, განათლებისა და ფინანსთა მინისტრების მოადგილეების ვიზიტი საქართველოში 8 დეკემბრამდე გრძელდება”,- აღნიშნულია გავრცელებულ ინფორმაციაში.

ავტორი: NS (სტატია დაფინანსებულია),

სოციალური ქსელები

მიჩიგანის შტატში სენატორის ადგილი მუსლიმმა დემოკრატმა აბდულ ელ-საიდმა მოიპოვა

გერმანიამ დემოკრატებს აშშ-ის შუალედურ არჩევნებში გამარჯვება მიულოცა

სანჩესი- ამერიკულმა საზოგადოებამ ხმა მისცა იმ პოლიტიკის წინააღმდეგ, რომელიც მხოლოდ გაღარიბებას იწვევს, სიძულვილის წინააღმდეგ, სექსიზმის წინააღმდეგ

სააკაშვილი - ჩვენ მივაღწევთ ნამდვილ არჩევნებს, დავამტკიცებთ, რომ ხელისუფლება ეკუთვნის ხალხს და არა მილიარდერს