ირანის ისლამურ რესპუბლიკაში „ზნეობის პოლიცია“ დაიშლება. - ამის შესახებ, ირანის გენერალურმა პროკურორმა განაცხადა.

„ზნეობის პოლიციას არაფერი აქვს საერთო სასამართლო სისტემასთან“, - აღნიშნა ირანულ მედიასთან გენერალურმა პროკურორმა მოჰამედ ჯაფარ მონთაზერმა.

ამასთან გაურკვეველია, ე.წ მორალის პოლიცია ისევ სხვა კონტექსტში შეიქმნება თუ სხვა სახელით. სახელმწიფო საინფორმაციო სააგენტოებმა განაცხადეს, რომ სასიკვდილო განაჩენი და სამართალწარმოება "ზნეობრივი" დანაშაულებისთვის გაგრძელდება.

ამასთან ირანის ხელისუფლება ცვლის კანონს ქალებისთვის ჰიჯაბის სავალდებულო ტარების შესახებ. ამის შესახებ ირანის გენერალურმა პროკურორმა მოჰამედ ჯაფარ მონთაზერმა განაცხადა.
ეს გადაწყვეტილება ქვეყანაში ორთვიანი საპროტესტო აქციების შედეგია ქალთა ჩაცმულობის კოდექსთან დაკავშირებით. მონთაზერის თქმით, ამ საკითხზე ირანის პარლამენტი და სასამართლო სისტემა უკვე მუშაობენ. აღსანიშნავია, რომ ისინი კონსერვატორების თითქმის სრული კონტროლის ქვეშ არიან. ირანის პრეზიდენტმა იბრაჰიმ რაისიმ ადრე განაცხადა, რომ ქვეყნის რესპუბლიკური და ისლამური საფუძვლები კონსტიტუციაშია გათვალისწინებული, მაგრამ არსებობს მათი განხორციელების „მოქნილი“ გზები.

2022 წლის 16 სექტემბერს ქვეყანაში საპროტესტო გამოსვლები დაიწყო, რომელიც უკავშირდება 22 წლის აქტივისტის მაჰსა ამინის ვიცე-პოლიციის მიერ მკვლელობას, რომელიც დააკავეს ჰიჯაბის ტარების შესახებ კანონის სავარაუდო დარღვევისთვის. შედეგად, ბევრმა ირანელმაც შეწყვიტა მისი ტარება. გაეროს ადამიანის უფლებათა უმაღლესმა კომისარმა ვოლკერ თურქმა განაცხადა, რომ საპროტესტო აქციების დროს დააკავეს 14000 ადამიანი, მათ შორის ბავშვები.

ავტორი: ექსპრესნიუსი,

სოციალური ქსელები

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს