ხერსონის მცხოვრებლებმა განაცხადეს, რომ ოკუპაციის დროს რუსებმა დაღუპული ჯარისკაცების ცხედრები ქალაქის გარეუბანში მდებარე ნაგავსაყრელის ტერიტორიაზე გადაიტანეს და სავარაუდოდ, იქ დაწვეს, - აღნიშნულის შესახებ ინფორმაციას The Guardian-ი ავრცელებს. 

როგორც გამოცემა წერს, ხერსონის მაცხოვრებლებს ამ ნაგავსაყრელთან მიახლოება აკრძალული ჰქონდათ, რადგან იგი შემოღობილი ჰქონდათ "ცნობისმოყვარე თვალებისგან".

ადგილობრივები Guardian-თან ყვებიან, რომ ოკუპანტები იქ რუსი სამხედროების ცხედრებს წვავდნენ. მაცხოვრებლები ამბობენ, რომ მათ დაინახეს შავი ჩანთებით დატვირთული რუსული ღია სატვირთო მანქანები.

მათივე თქმით, რუსმა სამხედროებმა შავ ჩანთებს შემდეგ ცეცხლი წაუკიდეს. მცხოვრებლების ნაწილი მედიასთან ამბობს, რომ მათ პირადად არ უნახავთ რუსი ჯარისკაცების სხეულები.

"ყოველთვის, როცა ჩვენი არმია რუსებს ბომბავდა, მათ ნარჩენები ნაგავსაყრელზე გადაჰქონდათ და წვავდნენ",- ამბობს ერთ-ერთი ადგილობრივი გამოცემასთან საუბრისას.

სატვირთო მანქანის მძღოლმა და ასევე ნაგავსაყრელის თანამშრომელმა, აღნიშნა, რომ რუსებს შეეძლოთ ეს ტერიტორია დაენაღმათ.

გამოცემა აღნიშნავს, რომ მიღებულ ინფორმაციას დამოუკიდებლად ჯერჯერობით ვერ ადასტურებს. თუმცა, ნაგავსაყრელზე რუსული დროშების, უნიფორმების და ჩაფხუტების ნაშთები მაინც ჩანს.

ავტორი: ექსპრესნიუსი,

სოციალური ქსელები

WSJ: დუბაის სასამართლომ რუსეთიდან საწვავის 700 მილიონი დოლარის გაყიდვები გაყინა

მოსკოვის ციხეში პუტინის კიდევ ერთი კრიტიკოსი რეჟისორი ალექსანდრ კონდრატოვი გარდაიცვალა

AnchorGPC-ის დაბადების დღეზე საქართველოს ბანკის მომხმარებლები სპეციალური შეთავაზებით ისარგებლებენ

ისარგებლე ყოველდღე ქეშბექ შეთავაზებებით საქართველოს ბანკის SUPER ნაკრების ფარგლებში