ნამდვილი მშვიდობა მხოლოდ რუსული აგრესიის სრულად განადგურების შედეგი იქნება. - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

მისივე თქმით, ამორალური კომპრომისები ახალი სისხლის დაღვრის საწინდარი იქნება. 

"უბრალოდ ომის დასრულება მშვიდობის გარანტია არ არის. რუსეთი ახლა მოკლე ვადით შეთანხმებას ცდილობს - რათა ძალების აღსადგენად შეისვენოს. შეიძლება, ამას ვინმემ ომის დასასრულო უწოდოს, მაგრამ ასეთი შესვენება სიტუაციას მხოლოდ გააუარესებს. 

ნებისმიერ გამოთქმულ იდეას ჩვენი მიწის ან სუვერენულობის დათმობაზე არ შეიძლება, მშვიდობა ეწოდოს. ამორალური კომპრომისები ახალი სისხლის დაღვრის საწინდარი იქნება. ნამდვილი, გრძელვადიანი და გულწრფელი მშვიდობა მხოლოდ რუსული აგრესიის სრულად განადგურების შედეგი შეიძლება იყოს". - ნათქვამია განცხადებაში.

10 ოქტომბრიდან რუსეთის თავდაცვის სამინისტრო რეგულარულად ახორციელებს სარაკეტო თავდასხმებს უკრაინაში სამხედრო და ენერგეტიკულ ობიექტებზე და ამას უწოდებს პასუხს 8 ოქტომბერს ქერჩის სრუტეში ყირიმის ხიდზე მომხდარ აფეთქებაზე.

როგორც უკრაინის ხელისუფლებამ განაცხადა, 15 ნოემბერს რუსეთმა ომის დაწყების შემდეგ ყველაზე მასიური დარტყმა მიაყენა ქვეყნის ენერგეტიკულ სექტორს. უკრაინაში დაბომბვის ფონზე მოძრავი ჩაქრობა მიმდინარეობს. რუსეთის ფედერაციის პრეზიდენტის პრესმდივანმა დიმიტრი პესკოვმა უკრაინის ბევრ რეგიონში ელექტროენერგიის და სითბოს ნაკლებობა უწოდა კიევის ხელისუფლების ქმედებების შედეგი, მათ შორის მოლაპარაკებებზე უარს.

ავტორი: ექსპრესნიუსი,

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება