დროა ევროპამ „დახუროს უკრაინის ცა“ მისივე უსაფრთხოებისთვის,- ამის შესახებ უკრაინის პრეზიდენტის ოფისის ხელმძღვანელის მრჩეველმა, მიხაილო პოდოლიაკმა განაცხადა.

მისი თქმით, მხოლოდ რუსეთია პასუხისმგებელი უკრაინაში ომზე და მასიურ სარაკეტო დარტყმებზე.

„მხოლოდ რუსეთი არის პასუხისმგებელი უკრაინაში ომზე და მასიურ სარაკეტო დარტყმებზე. მხოლოდ რუსეთი დგას ჩვენი მოსაზღვრე ქვეყნებისთვის სწრაფად მზარდი რისკების უკან. არ არის საჭირო, რომ საბაბები ვეძიოთ ძირითადი გადაწყვეტილებების გადასადებად. დროა ევროპამ "დახუროს უკრაინის ცა". მისივე უსაფრთხოებისთვის..“,- წერს პოდოლიაკი.

ცნობისთვის, 15 ნოემბერს, უკრაინის ტერიტორიაზე მიმდინარე მასიური სარაკეტო თავდასხმისას, პოლონეთში 2 რუსული რაკეტა ჩამოვარდა, რის შედეგადაც ორი ადამიანი დაიღუპა. შემთხვევა უკრაინის საზღვრიდან 65 კილომეტრში მდებარე ფერმაში მოხდა.

პოლონეთის საგარეო საქმეთა სამინისტრომ დაადასტურა ქვეყნის ტერიტორიაზე რუსული რაკეტის ჩამოვარდნა და გამოიძახა რუსეთის ფედერაციის ელჩი. ამავე დროს, პოლონეთის პრეზიდენტმა დუდამ განაცხადა, რომ ამჟამად არ არსებობს „დამაჯერებელი მტკიცებულება იმის შესახებ, თუ ვინ გაუშვა ეს რაკეტა“.

რუსეთის ფედერაციის თავდაცვის სამინისტრო ტრადიციულად უარყოფს თავდასხმაში მონაწილეობას.

პოლონეთის მოთხოვნით, ნატო-ს ელჩები, 16 ნოემბერს, ალიანსის მე-4 მუხლის საფუძველზე, შეხვდრას გამართავენ.

ავტორი: ექსპრესნიუსი,

სოციალური ქსელები

რუსეთში Starlink-ის ტერმინალების იმპორტი აიკრძალა

უკრაინის პროტესტის შემდეგ, ისრაელმა რუსეთიდან მოპარული მარცვლეულის მიღებაზე უარი თქვა

რუსეთში ნავთობის გადამუშავება 17 წლიან მინიმუმამდე დაეცა

ყველაფერი პოლიციის შესახებ: გდდ-ის ხელმძღვანელმა რომან ქარცივაძემ თანამდებობა დატოვა