არ მგონია, რომ პუტინი ბირთვულ იარაღს გამოიყენებს. გიჟი უნდა იყოს, ეს რომ გააკეთოს, - ამის შესახებ ბრიტანეთის ყოფილმა პრემიერ-მინისტრმა, ბორის ჯონსონმა განაცხადა.

როგორც ჯონსონმა ტელეკომპანია Sky News-თან ინტერვიუში აღნიშნა, რუსეთის ფედერაცია, აღნიშნული ნაბიჯის გადადგმის შემთხვევაში, ყველა არსებულ მოკავშირეს დაკარგავს.

„არ მგონია, რომ ის [პუტინი] ბირთვულ იარაღს გამოიყენებს. გიჟი უნდა იყოს, ეს რომ გააკეთოს. ეს იქნება რუსეთის განცხადება ცივილიზებული ერების კლუბიდან მისი სრული გასვლის შესახებ და კატასტროფაა მისი ქვეყნისთვის. ის დაკარგავს მოკავშირეებს მთელს მსოფლიოში და რაც მთავარია, ჩინელების მფარველობას.

ფიქრობ, უკრაინის ომი ყველასგან მოითხოვს სტრატეგიულ მოთმინებას და გამძლეობას, მაგრამ აბსოლუტურად არ მეპარება ეჭვი, რომ საბოლოოდ სიკეთე გაიმარჯვებს, უკრაინელები მოიგებენ - ეს კარგს და ცუდს შორის განსხვავებას ჰგავს", - უთხრა დიდი ბრიტანეთის ყოფილმა პრემიერმა Sky News-ს.

ავტორი: ექსპრესნიუსი,

სოციალური ქსელები

The Economist - რუსეთმა უკრაინაში შესაძლოა 770 000 ადამიანი დაკარგა

ტრამპი: აშშ-ს ირანში კიდევ ერთი ან ორი სამიზნე აქვს გასანადგურებელი

საფრანგეთში ცხოვრების ფასების ზრდის წინააღმდეგ გამართულ საპროტესტო აქციებში დაახლოებით 320 000 ადამიანი მონაწილეობდა

შეერთებულმა შტატებმა ბელორუსს Boeing-ის სათადარიგო ნაწილებისა და ახალი თვითმფრინავების შეძენის უფლება მისცა