ვფიქრობ, იარაღს, რომელსაც ახლა უკრაინას ვაწვდით, დიდი მნიშვნელობა აქვს,- ამის შესახებ ნატო-ს გენერალურმა მდივნმა, იენს სტოლტენბერგმა Deutsche Welle-ზე გადაცემა Conflict Zone- სთვის მიცემულ ინტერვიუში განაცხადა.

"ვფიქრობ, იარაღს, რომელსაც ახლა უკრაინას ვაწვდით, დიდი მნიშვნელობა აქვს. უკრაინელებმა უკვე მიაღწიეს წარმატებას მრავალი რუსული რაკეტისა და უპილოტო თვითმფრინავის ჩამოგდებით. მომავალში სიტუაცია კიდევ უფრო შეიცვლება - მოკავშირეები ახლა უფრო აქტიურდებიან", - განაცხადა გენმდივანმა. 

სტოლტენბერგმა დასძინა, რომ დასავლეთის დახმარებამ თავდაპირველად მნიშვნელოვანი როლი ითამაშა იმაში, რომ რუსეთმა ვერ შეძლო საჰაერო უპირატესობის დამყარება უკრაინის ტერიტორიაზე და ამან გავლენა მოახდინა მთლიანი კამპანიის წარმატებაზე. 

”ეს, რა თქმა უნდა, უპირველეს ყოვლისა, განპირობებული იყო უკრაინის სამხედროების შესაძლებლობით, გამოეყენებინათ ძველი საბჭოთა საჰაერო თავდაცვის სისტემები, რომლებიც მათ უკვე ჰქონდათ. ნატო-ს მოკავშირეებმა მათ მიაწოდეს საბრძოლო მასალები ამ სისტემებისთვის, შემდეგ კი დაიწყეს ახალი სისტემების მიწოდება. ნათელია, რომ გერმანია აწვდის უკრაინას მართლაც მნიშვნელოვან შესაძლებლობებს“, - განაცხადა იენს სტოლტენბერგმა. 

შეგახსენებთ, რომ გუშინ, 27 ოქტომბერს გამართულ პრესკონფერენციაზე  ნატო-ს გენმდივანმა კიდევ ერთხელ დადასტურა უკრაინის მხარდაჭერა და განაცხადა, რომ ალიანსი არ დაუშვებს, რომ პუტინმა უკრაინის წინააღმდეგ ომი მოიგოს. 

ავტორი: ექსპრესნიუსი,

სოციალური ქსელები

WSJ: დუბაის სასამართლომ რუსეთიდან საწვავის 700 მილიონი დოლარის გაყიდვები გაყინა

მოსკოვის ციხეში პუტინის კიდევ ერთი კრიტიკოსი რეჟისორი ალექსანდრ კონდრატოვი გარდაიცვალა

AnchorGPC-ის დაბადების დღეზე საქართველოს ბანკის მომხმარებლები სპეციალური შეთავაზებით ისარგებლებენ

ისარგებლე ყოველდღე ქეშბექ შეთავაზებებით საქართველოს ბანკის SUPER ნაკრების ფარგლებში