ნოვოსიბირსკში სამხედრო აღრიცხვისა და გაწვევის ოფისს "მოლოტოვის კოქტეილები" ესროლეს. აღნიშნულ ინფორმაციას რუსული მედია რეგიონის სამხედრო კომისარზე დაყრდნობით ავრცელებს.

ევგენი კუდრიავცევის თქმით, ეჭვმიტანილი დაკავებულია.

"ნოვოსიბირსკის, კიროვსკისა და ლენინსკის ოლქების სამხედრო აღრიცხვისა და გაწვევის ოფისის ფანჯრებში ორი "მოლოტოვის კოქტეილი" ისროლეს, რამაც 0,5 კვადრატული მეტრის ფართობზე ხანძარი გამოიწვია“, - აცხადებს სამხედრო კომისარი.

მისივე თქმით, ხანძრის ჩაქრობა მალევე მოხერხდა და შენობა არ დაზიანებულა.

რუსული მედიის ცნობით, მას შემდეგ, რაც ვლადიმერ პუტინმა ნაწილობრივი სამხედრო მობილიზაცია გამოაცხადა, სამხედრო აღრიცხვისა და გაწვევის ოფისებზე ცეცხლის წაკიდების სულ მცირე 13 მცდელობა დაფიქსირდა.

ავტორი: ექსპრესნიუსი,

სოციალური ქსელები

შვეიცარიაში საპროტესტო აქციები პოლიციასთან შეტაკებებში გადაიზარდა

ჰაკერებმა როსტატის ვებსაიტი გატეხეს და განაცხადეს, რომ რუსეთის ომში დანაკარგების შესახებ მონაცემები მოიპარეს

უკრაინა ნიჟნი ნოვგოროდის ოლქში რუსეთის ერთ-ერთ უდიდეს ნავთობგადამამუშავებელ ქარხანას თავს დაესხა

ინდოეთის ოპოზიცია საარჩევნო კომისიის თავმჯდომარის წინააღმდეგ მარშით გამოდის