ჩეჩნეთის ხელმძღვანელის, რამზან კადიროვის განცხადებით, რესპუბლიკაში სამხედრო მობილიზაცია არ განხორციელდება. 

მედიის ინფორმაციით, კადირომა ოპერატიულ შტაბთან შეხვედრაზე თქვა, რომ უკრაინაში, საომარ მოქმედებებში 20 000 ჩეჩენი მონაწილეობდა და რესპუბლიკამ "გეგმას 254%-ით გადააჭარბა", თუმცა ჩეჩნეთის ლიდერი "ფრონტის ხაზზე" გაგზავნით დაემუქრა ყველას, ვინც ომის საწინააღმდეგო მიტინგში მიიღებს მონაწილეობას.

კადიროვის თქმით, გროზნოში უკვე სცადა 40-მდე ქალმა ასეთი აქციის გამართვა, რის გამოც, ჩეჩნეთის ხელმძღვანელის მტკიცებით, მათი ოჯახის წევრები უკრაინაში უკვე გააგზავნა.

შეგახსენებთ, 21 სექტემბერს რუსეთის პრეზიდენტმა, ვლადიმერ პუტინმა ქვეყანაში ნაწილობრივი მობილიზაცია გამოაცხადა. 

რუსეთის ფედერაციაში ნაწილობრივი მობილიზაციის ფარგლებში გაწვევას მხოლოდ რეზერვი და სამხედრო გამოცდილების მქონე მოქალაქეები დაექვემდებარებიან. ნაწილებში გაგზავნამდე, სამხედრო სამსახურში გამოძახებულები, სპეციალური სამხედრო ოპერაციის გამოცდილების გათვალისწინებით, გაივლიან დამატებით სამხედრო მომზადებას.

ავტორი: ექსპრესნიუსი,

სოციალური ქსელები

ცხოველთა სამარხების ამსახველი კადრების გავრცელების შემდეგ შსს-მ გამოძიება დაიწყო

შვეიცარიაში საპროტესტო აქციები პოლიციასთან შეტაკებებში გადაიზარდა

ჰაკერებმა როსტატის ვებსაიტი გატეხეს და განაცხადეს, რომ რუსეთის ომში დანაკარგების შესახებ მონაცემები მოიპარეს

უკრაინა ნიჟნი ნოვგოროდის ოლქში რუსეთის ერთ-ერთ უდიდეს ნავთობგადამამუშავებელ ქარხანას თავს დაესხა