დედოფალი ელიზაბეტ II, დიდი ბრიტანეთის ყველაზე დიდი ხნის მონარქი, გარდაიცვალა ბალმორალში 96 წლის ასაკში, 70 წლის მეფობის შემდეგ.

მისი ოჯახი შეიკრიბა მის შოტლანდიურ სამკვიდროში მას შემდეგ, რაც ხუთშაბათს ადრე გაიზარდა მისი ჯანმრთელობის შესახებ შეშფოთება.

დედოფალი ტახტზე 1952 წელს მოვიდა და უზარმაზარი სოციალური ცვლილებების მომსწრე გახდა.

ბუკინგემის სასახლის განცხადებაში ნათქვამია: ”დედოფალი მშვიდობიანად გარდაიცვალა ბალმორალში ამ შუადღისას. მეფე და დედოფალი ამ საღამოს დარჩებიან ბალმორალში და ხვალ დაბრუნდებიან ლონდონში“. - ციტატის დასასრული

დედოფლის ყველა შვილი გაემგზავრა ბალმორალში, აბერდინთან ახლოს, მას შემდეგ რაც ექიმებმა დედოფალი სამედიცინო მეთვალყურეობის ქვეშ მოათავსეს. იქ არის მისი შვილიშვილი, პრინცი უილიამი, ძმასთან, პრინც ჰარისთან ერთად.

სამშაბათს ელიზაბეტ მეორემ მიიღო ბორის ჯონსონის გადადგომა ბალმორალში, რის შემდეგაც მან პრემიერ მინისტრად დანიშნა ლიზ ტრუსი და დაავალა ახალი მთავრობის შექმნა. აღნიშნულია, რომ ეს პირველად ლონდონის ფარგლებს გარეთ გაკეთდა, რადგან მან ადრე დანიშნა ბრიტანეთის კაბინეტის ხელმძღვანელები დედაქალაქში.

ელიზაბეტ II-ის დაკრძალვა წინასწარ შემუშავებული პროცედურის დაცვით, კოდური სახელწოდებით „ლონდონის ხიდი“ გაიმართება.

ავტორი: ექსპრესნიუსი,

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს