აშშ-ის სახელმწიფო მდივანი ენტონი ბლინკენი კიევში მოულოდნელი ვიზიტით ჩავიდა. აღნიშნულის შესახებ ინფორმაციას BBC-ის ჟურნალისტის, ბარბარა პლეტ აშერის Twitter-ზე დაყრდნობით ავრცლებს.

ბლინკენის კიევში ვიზიტს ადასტურებს  ამერიკული გამოცემა ABC News- იც.

გამოცემის ცნობით, ვიზიტის სავარაუდო მიზეზი უკრაინის სამხედრო დახმარებაა.

„აშშ-ს სახელმწიფო მდივანი ენტონი ბლინკენი ეწვევა უკრაინას, კიევისა და მისი მეზობლების უსაფრთხოებისთვის დამატებითი 2,6 მილიარდი დოლარის დახმარების შესახებ აშშ-ის განცხადებასთან დაკავშირებით“, - წერს ის.

უკრაინის მაღალჩინოსნებთან შეხვედრისას განხილული იქნება საკითხი, რომ ჯო ბაიდენის ადმინისტრაცია უკრაინას და მის 18 მეზობელს, 2 მილიარდ აშშ დოლარს გამოუყოფს, მათ შორის არიან ნატოს წევრები და რეგიონალურ უსაფრთხოების პარტნიორები.

ცნობისთვის, ეს არის დამატებით 675 მილიონი დოლარის მძიმე იარაღის, საბრძოლო მასალისა და ჯავშანტექნიკის პაკეტი მხოლოდ უკრაინისთვის, რომელიც თავდაცვის მდივანმა ლოიდ ოსტინმა დღეს რამშტეინის საჰაერო ბაზაზე გამართულ შეხვედრაზე განაცხადა.

შეგახსენებთ, რომ ეს ბლინკენის მეორე ვიზიტია უკრაინაში მას შემდეგ, რაც რუსეთმა უკრაინის წინააღმდეგ ომი წამოიწყო.

ავტორი: ექსპრესნიუსი,

სოციალური ქსელები

აშშ ევროპას აფრთხილებს იარაღის მიწოდების შეფერხების შესახებ, რაც გამოწვეულია მარაგების ამოწურვით

აშშ გერმანიიდან 5000 ჯარისკაცს გაიყვანს

საპატრიარქო - ვხედავთ შემთხვევებს, როცა ეკლესიის არაკეთილმოსურნენი ყველა ღონეს ხმარობენ, რათა საზოგადოებაში დააკნინონ სინოდის სხდომის მიმართ სამართლიანობის განცდა

აშშ-ის კონგრესში წარადგინეს რეზოლუცია ჟურნალისტების უფლებების დაცვის შესახებ, სადაც მზია ამაღლობელიც არის ნახსენები