დედოფალმა ელიზაბედმა ლიზ ტრასი ბრიტანეთის პრემიერ-მინისტრად ოფიციალურად დანიშნა

2022-09-06 17:05:34, 1915 ნახვა

მსოფლიო

ბრიტანეთს ახალი პრემიერ-მინისტრი მოვალეობის შესრულებას ოფიციალურად შეუდგა, თანამდებობაზე დასანიშნად ის შოტლანდიაში ბალმორალის სამკვიდროში დედოფალ ელიზაბედ II-თან აუდიენციისთვის ჩავიდა,- აღნიშნულის შესახებ ინფორმაციას The Guardian-ი ავრცელებს.

გამოცემის ცნობით, მონარქმა ტრასს ახალი მთავრობის შექმნა დაავალა.

მათივე ცნობით, ცერემონიის შემდეგ ტრასი დაუნინგ სტრიტზე მდებარე რეზიდენციაში დაბრუნდება და ადგილობრივი დროით 16:00 საათზე მოსახლეობას მიმართავს.

გარდა ამისა, ბრიტანეთის მთავრობის ახალი ხელმძღვანელი მთავრობის წევრებს დღესვე შეარჩევს.

შეგახსენებთ, რომ მანამდე ბალმორალის ციხესიმაგრეში ბრიტანეთის უკვე ყოფილი პრემიერ-მინისტრი, ბორის ჯონსონი იმყოფებოდა, რომელმაც ქვეყნის დედოფალს გადადგომის წინადადებით მიმართა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,