2022-09-04 16:41:00, 1976 ნახვა

---

პოლონეთი გერმანიას მეორე მსოფლიო ომის რეპარაციების გადახდის საკითხზე დიპლომატიურ ნოტას გაუგზავნის

ვარშავა ბერლინს მეორე მსოფლიო ომის რეპარაციების გადახდის საკითხთან დაკავშირებით  დიპლომატიურ ნოტას გაუგზავნის.პოლონეთის პრემიერ-მინისტრმა მატეუშ მორავიეცკიმ შაბათს TVP3-ის ეთერში განაცხადა, რომ მას არასოდეს უთქვამს უარი გფრდ-ისგან მეორე მსოფლიო ომის დროს მიყენებული ზიანის კომპენსაციის მიღებაზე.

მან დასძინა, რომ უახლოეს თვეებში პოლონეთი წარმოადგენს ანგარიშს ომში არსებული დანაკარგების შესახებ. მთავრობის მეთაურმა ხაზი გაუსვა, რომ უპირველეს ყოვლისა, აუცილებელია ამ პრობლემის სამართლებრივი სტატუსის გარკვევა.

"პოლონეთის მხრიდან უარი არ ყოფილა რეპარაციების შესახებ, არც ერთი უარი კომპენსაციაზე. გერმანიას დიპლომატიურ ნოტას გავუგზავნით. ჩვენ მათ მოვუწოდებთ მოლაპარაკების პროცესში. ჩვენ ამას მივაღწევთ ყველა შესაძლო ფორუმზე, ყველა შესაძლო გზით“, - განაცხადა მორავიეცკიმ.

 მორავიეცკი ირწმუნება, გაერო-ს არც ერთ დოკუმენტში არ არის მსგავსი რეზოლუცია და აღნიშნული დაფიქსირებული უნდა ყოფილიყო საერთაშორისო დოკუმენტებში.

რამდენიმე დღის წინ ვარშავაში წარადგინეს ანგარიში მეორე მსოფლიო ომის დროს, გერმანიის ოკუპაციის შედეგად პოლონეთისთვის მიყენებული ზარალის შესახებ. პოლონეთის მმართველი პარტიის ლიდერმა, იაროსლავ კაჩინსკიმ განაცხადა, რომ ბერლინმა ვარშავას უნდა გადაუხადოს 1,5 ტრილიონ დოლარზე მეტი, საომარი რეპარაციების სახით. გერმანიაში აცხადებენ, რომ აღნიშნული საკითხის განხილვას პოლონეთთან არ აპირებენ და საკითხს დახურულად მიიჩნევენ, რადგან პოლონეთმა უარი თქვა რეპარაციებზე. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი