2022-08-31 16:26:18, 1690 ნახვა

---

უნგრეთის საგარეო - ევროკავშირის ქვეყნები ვერ შეთანხმდნენ რუსებისთვის სავიზო რეჟიმის სრულ აკრძალვაზე

ევროკავშირი შეაჩერებს რუსეთთან შეთანხმებას, რომელიც ამარტივებს ვიზების გაცემას, მაგრამ არ იქნება სრული აკრძალვა ვიზების გაცემაზე,- ამის შესახებ უნგრეთის საგარეო საქმეთა მინისტრმა პეტერ სიჯარტომ განაცხადა.

მისი თქმით, აღნიშნული გადაწყვეტილების მიღება განაპირობა იმან, რომ საგარეო საქმეთა მინისტრებმა ამ საკითხზე კონსენსუსს ვერ მიაღწიეს.

ამასთან, როგორც სიჯარტომ განაცხადა, უნგრეთი, ევროკავშირის სხვა წევრ სახელმწიფოებთან ერთად, ეწინააღმდეგება რუსეთის სავიზო აკრძალვას.

შეგახსენებთ, რომ მანამდე გავრცელდა ინფორმაცია, რომ ევროკავშირი აპირებს შეაჩეროს რუსებისთვის სავიზო რეჟიმის გამარტივების შესახებ შეთანხმება, რათა გაართულოს მისი მოქალაქეებისთვის ევროპაში გამგზავრება.

ევროკავშირის საგარეო საქმეთა მინისტრების შეხვედრის წინ ევროკავშირის დიპლომატიის ხელმძღვანელმა, ჯოსეფ ბორელმა რუსებისთვის ვიზების გაცემის აკრძალვის შესახებ დებატებში საერთო ენის გამონახვისკენ მოუწოდა.

ამასთან,  გერმანიასა და საფრანგეთს არ სურთ რუსებისთვის ვიზების გაცემის სრული აკრძალვის დაწესება, რადგან ამან შესაძლოა კიდევ უფრო გააერთიანოს რუსეთის ფედერაციის მოქალაქეები პუტინის რეჟიმის გარშემო.

 

 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი