უკრაინაში რუსეთის სრულმასშტაბიანი შემოჭრის მეშვიდე თვეში, ევროპაში გაზის ფასი 24 აგვისტოს აუქციონზე 3200 დოლარს მიუახლოვდა. ამის შესახებ ნათქვამია  ICE ბირჟის მონაცემებში.

ეს არის დაკვირვების მთელი დროის განმავლობაში დაფიქსირებული ყველაზე მაღალი ფასი.

გაზის კონტრაქტები TTF (ნიდერლანდები) ჰაბზე სექტემბრის მიწოდებისთვის ადგენს მაქსიმუმ 302,995 ევროს მეგავატ/სთ-ზე, ანუ $3,196,6 ათას კუბურ მეტრზე. მაქსიმუმზე ხანმოკლე ყოფნის შემდეგ, კოტირებები დაეცა 290 ევრომდე მეგავატსთში ან 3060 დოლარამდე ათას კუბურ მეტრზე.

ცნობისთვის, ივნისში რუსეთმა  ევროკავშირის ქვეყნებისთვის გაზის მიწოდების მოცულობა თითქმის გაანახევრა. 

ივნისის შუა რიცხვებში რუსეთმა Nord Stream 1 გაზსადენის გამტარუნარიანობა 40%-ით შეამცირა, ტექნიკის პრობლემების მოტივით.

გარდა ამისა, ივნისის შუა რიცხვებში გაზსადენი „თურქული ნაკადი“, რომელიც, სავარაუდოდ შეკეთებას საჭიროებდა, ერთი კვირა არ მუშაობდა.

2022 წლის 17 აგვისტოს  მდგომარეობით ევროპაში გაზის ფასი  მიუახლოვდა ისტორიულ მაქსიმუმს და მიაღწია თითქმის 2,5 ათას დოლარს ათას კუბურ მეტრზე რუსული „გაზპრომის“ მიერ მიწოდების ხელოვნური შემცირების გამო.

19 აგვისტოს  მდგომარეობით ევროპაში გაზის ფასი წლის ამ პერიოდში ჩვეულებრივზე 11-ჯერ გაიზარდა.

ავტორი: ექსპრესნიუსი,

სოციალური ქსელები

კომპანიებმა დაიწყეს საოჯახო კალათის ფარგლებში პროდუქტების იდენტიფიცირება - რითეილ ასოციაცია

გუდვილი ასევე დეილის, სპარს, კალათას, მაგნიტს, გვირილას და იოლს მაღაზიათა ქსელი შექმნიან პირველადი მოხმარების პროდუქტების კალათას, რომელზედაც მინიმალური სავაჭრო მარჟა დაწესდება

ელენე ხოშტარია - ნონსენსია ფასების გაიაფების მოლოდინი ქვეყანაში, რომლის მთავრობაც არალეგიტიმურია

გდდ-ს ხელმძღვანელის პოზიციას ბაადურ შენგელია დაიკავებს