რუსეთის აგრესია უკრაინაში არ დაწყებულა 24 თებერვალს, ის დაიწყო 2014 წელს ყირიმის უკანონო ანექსიით და ეს იყო თქვენი ხალხისადმი და თქვენი ქვეყნისადმი რუსეთის აგრესიული და უკანონო ქმედებების დასაწყისი,- ამის შესახებ ევროპული საბჭოს პრეზიდენტმა, შარლ მიშელმა „ყირიმის პლატფორმაზე“ სიტყვით გამოსვლისას განაცხადა.

მიშელის თქმით,  ყირიმში რუსეთის სამხედრო ყოფნამ მოახდინა უკრაინის შავი ზღვის პორტების ბლოკადა და სასტიკი შედეგები მოუტანა.

„ყირიმი უკრაინაა და დავიწყებ მკაფიო გზავნილით, ევროკავშირი არ აღიარებს ყირიმის და სევასტოპოლის უკანონო ანექსიას. რუსეთის აგრესია უკრაინაში არ დაწყებულა 24 თებერვალს, ის დაიწყო 2014 წელს ყირიმის უკანონო ანექსიით და ეს იყო თქვენი ხალხისადმი და თქვენი ქვეყნისადმი რუსეთის აგრესიული და უკანონო ქმედებების დასაწყისი. რუსეთმა ყირიმი გამოიყენა უკრაინის სხვა ნაწილებიდან მარცვლეულის მოსაპარად. ყირიმში რუსეთის სამხედრო ყოფნამ მოახდინა უკრაინის შავი ზღვის პორტების ბლოკადა და ვხედავთ ამის სასტიკ შედეგებს, უკრაინის ეკონომიკის დაზიანება და გლობალური სურსათის უსაფრთხოების კრიზისი, განსაკუთრებულად დაუცველ ქვეყნებში. ვიტყვი მკაფიოდ, ეს არის კრემლის მიერ წინასწარგანზრახულად და ცინიკურად იარაღად შიმშილის გამოყენების მცდელობა. ჩვენ ასევე შეშფოთებას გამოვთქვამთ ზაპოროჟიეს ატომური ელექტროსადგურის უწყვეტი დაბომბვის გამო. რუსეთმა დაუყოვნებლივ უნდა მისცეს საერთაშორისო ექსპერტებს დაშვების უფლება და მხარი დაუჭიროს დემილიტარიზებული ზონის შექმნას სადგურის გარშემო“,- განაცხადა მიშელმა.

მისივე თქმით, რუსეთმა ყირიმი გამოიყენა, რათა შეჭრილიყო უკრაინაში სამხრეთიდან და ასევე იყენებს ტრანზიტულ პუნქტად, რათა გადაიყვანოს უკრაინელები ფილტრაციულ ბანაკებში, სადაც გავრცელებული ცნობით, წამების და სასტიკი მოპყრობის ფაქტები ფიქსირდება.

„რუსეთმა ყირიმი გამოიყენა უკრაინის სხვა ნაწილებიდან მარცვლეულის მოსაპარად. ყირიმში რუსეთის სამხედრო ყოფნამ მოახდინა უკრაინის შავი ზღვის პორტების ბლოკადა და ვხედავთ ამის სასტიკ შედეგებს, უკრაინის ეკონომიკის დაზიანება და გლობალური სურსათის უსაფრთხოების კრიზისი, განსაკუთრებულად დაუცველ ქვეყნებში. ვიტყვი მკაფიოდ, ეს არის კრემლის მიერ წინასწარგანზრახულად და ცინიკურად იარაღად შიმშილის გამოყენების მცდელობა. ჩვენ ასევე შეშფოთებას გამოვთქვამთ ზაპოროჟიეს ატომური ელექტროსადგურის უწყვეტი დაბომბვის გამო. რუსეთმა დაუყოვნებლივ უნდა მისცეს საერთაშორისო ექსპერტებს დაშვების უფლება და მხარი დაუჭიროს დემილიტარიზებული ზონის შექმნას სადგურის გარშემო“,- განაცხადა მიშელმა.

გარდა ამისა, მიშელმა აღნიშნა, რომ ევროკავშირი მტკიცედ უჭერს მხარს უკრაინის სუვერენიტეტს და ტერიტორიულ მთლიანობას 2014 წლიდან.

„ჩვენ ვგმობთ ამ ომს და მოვუწოდებთ რუსეთს, დაიცვას საერთაშორისო სამართლის ნორმები. ასევე, მხარს ვუჭერთ მართლმსაჯულების საერთაშორისო სასამართლოს მხრიდან სამხედრო დანაშაულების გამოძიებას. ჩვენ უკვე გავზარდეთ ჩვენი მხარდაჭერა უკრაინისადმი ჰუმანიტარულ, მაკროფინანსურ, ლტოლვილთა საკითხებში და უპრეცედენტო სამხედრო დახმარებით“,- დასძინა მიშელმა.

ავტორი: ექსპრესნიუსი,

სოციალური ქსელები

კომპანიებმა დაიწყეს საოჯახო კალათის ფარგლებში პროდუქტების იდენტიფიცირება - რითეილ ასოციაცია

გუდვილი ასევე დეილის, სპარს, კალათას, მაგნიტს, გვირილას და იოლს მაღაზიათა ქსელი შექმნიან პირველადი მოხმარების პროდუქტების კალათას, რომელზედაც მინიმალური სავაჭრო მარჟა დაწესდება

ელენე ხოშტარია - ნონსენსია ფასების გაიაფების მოლოდინი ქვეყანაში, რომლის მთავრობაც არალეგიტიმურია

გდდ-ს ხელმძღვანელის პოზიციას ბაადურ შენგელია დაიკავებს