თურქეთის პრეზიდენტი რეჯეფ თაიფ ერდოღანი რუსეთის სრულმასშტაბიანი შემოჭრის შემდეგ პირველი ოფიციალური ვიზიტით უკრაინაში გაემგზავრა.

ტელეარხის NTV- ის ცნობით, პრეზიდენტები რეჯეფ თაიფ ერდოღანი და ვოლოდიმირ ზელენსკი მარცვლეულის დერეფნის ფუნქციონირების გაუმჯობესებისა და ომის დიპლომატიური გზით გადაწყვეტის ვარიანტებს განიხილავენ.

სხვა თემებს შორისაა თურქეთის შუამავლობა რუსეთსა და უკრაინას შორის პატიმართა გაცვლაში,თურქეთის საჰაერო ძალების A440M-ის ორი თვითმფრინავის ქვეყანაში დაბრუნება.

ერდოღანის ვიზიტის ფარგლებში გაეროს გენერალური მდივანი ანტონიო გუტიერესი უკრაინაში იმყოფება. 

პრეზიდენტი ერდოღანი უკანასკნელად უკრაინას 2022 წლის 3 თებერვალს ეწვია, რუსეთის შეჭრამდე ცოტა ხნით ადრე. უკრაინამ დახურა თავისი საჰაერო სივრცე სამოქალაქო ფრენებისთვის მას შემდეგ, რაც რუსეთმა ქვეყანაში სამხედრო მოქმედებები დაიწყო, ამიტომ ერდოღანი და მისი დელეგაცია პოლონეთიდან სახმელეთო გზით ლვოვში ჩავლენ.

ავტორი: ექსპრესნიუსი,

სოციალური ქსელები

სანქტ-პეტერბურგში მობილური ინტერნეტი გაითიშა

POG: ქუთაისში განზრახ მკვლელობისა და დანაშაულის შეუტყობინებლობისთვის ბრალი 2 პირს წარედგინა

არაბთა გაერთიანებულ საამიროებში საჰაერო მიმოსვლაზე დაწესებული ყველა შეზღუდვა მოხსნეს

ზელენსკი: გუშინ ბელარუსის მხრიდან საზღვარზე საკმაოდ უჩვეულო აქტივობა შეინიშნებოდა, საჭიროების შემთხვევაში, რეაგირებას მოვახდენთ