საუდის არაბეთში ქალს Twitter-ის გამოყენებისთვის 34 წლიანი პატიმრობა მიუსაჯეს

2022-08-17 11:33:37, 1192 ნახვა

მსოფლიო

საუდის არაბეთის სასამართლომ, ლიდსის უნივერსიტეტს სტუდენტს, Twitter-ზე დისიდენტებისა და აქტივისტების განცხადებების გაზიარებისთვის 34 წლით თავისუფლების აღკვეთა მიუსაჯა.

საუდის არაბეთის სპეციალურმა ტერორისტულმა სასამართლომ განაჩენი აშშ-ს პრეზიდენტის ჯო ბაიდენის საუდის არაბეთში ვიზიტიდან რამდენიმე კვირის შემდეგ გამოაცხადა.

34 წლის სალმა ალ-შეჰაბს, ორი მცირეწლოვანი შვილის დედას, თავდაპირველად 3 წლით თავისუფლების აღკვეთა მისაჯა - ინტერნეტ ვებსაიტის საზოგადოებრივი არეულობის გამოწვევის მიზნით გამოყენებისთვის. სააპელაციო სასამართლომ ქალს ახალი ბრალდებები წაუყენა და სასჯელის ზომად - 34 წლით თავისუფლების აღკვეთა მიუსაჯა,

სასამართლოს ჩანაწერების მიხედვით, რომელიც Guardian-მა მოიპოვა, შეჰაბს ბრალი ედება მათ დახმარებაში, “ვინც საუდის არაბეთში საზოგადოებრივი არეულობის გამოწვევასა და ეროვნული უსაფრთხოების დესტაბილიზაციას“ ცდილობს.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,