2022-08-13 13:41:32, 1521 ნახვა

---

ერმაკი - უკრაინის გამარჯვებისთვის აუცილებელია რუსებისთვის სავიზო აკრძალვა, ნავთობის ფასის შეზღუდვა, გაზის ემბარგო

რუსეთის დასამარცხებლად აუცილებელია რუსებისთვის სავიზო აკრძალვა, ნავთობის ფასის შეზღუდვა, გაზის ემბარგო და იარაღი. - ამის შესახებ უკრაინის პრეზიდენტის აპარატის უფროსმა, ანდრეი ერმაკმა განაცხადა.

მისივე თქმით, უკრაინის გამარჯვებისთვის საჭიროა რუსეთის ტერორიზმის სახელმწიფო სპონსორად აღიარება.

"​ეს ნაბიჯები დაგვეხმარება რუსეთის დამარცხებაში, რომ განადგურდეს მისი ეკონომიკა, არმია და ასევე წაერთვას დასავლური სამყაროს წინააღმდეგ ბრძოლისა და შანტაჟის სურვილი". - ნათქვამია განცხადებაში.

შეგახსენებთ, რომ ხანგრძლივი სამხედრო ძალის თავმოყრის შემდეგ, რუსეთის მიერ თვითგამოცხადებული დონეცკის სახალხო რესპუბლიკისა და ლუჰანსკის სახალხო რესპუბლიკის აღიარების შემდეგ, რუსეთმა დაარღვია საერთაშორისოდ აღიარებული უკრაინის სუვერენიტეტი და ომი გამოაცხადა. ომს დაწყებიდან დღევანდელ დღემდე არაერთი მოქალაქის სიცოცხლე შეეწირა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი