უკრაინის მთავრობამ რადას 225 დეპუტატს, მათ შორის დავით არახამიას და ლიზა იასკოს დიპლომატიური პასპორტები გაუუქმა

2022-08-06 12:45:55, 1097 ნახვა

მსოფლიო

უკრაინის საგარეო საქმეთა სამინისტრომ რადას ასობით დეპუტატს, მათ შორის დავით არახამიას, ლიზა იასკოს და ალექსეი გონჩარენკოს, დიპლომატიური პასპორტები გაუუქმა. აღნიშნულის შესახებ ინფორმაციას უკრაინული გამოცემა ავრცელებს.

გამოცემის ცნობით, უკრაინის პრეზიდენტმა ვოლოდიმირ ზელენსკიმ აღნიშნული გადაწყვეტილება მას შემდეგ მიიღო, რაც პასპორტის მფლობელი პირები დოკუმენტს პირადი სარგებლობის მიზნით იყენებდნენ.

„ამბობენ, პრეზიდენტი ვოლოდიმირ ზელენსკი გაბრაზებულია, რომ დიპლომატიური პასპორტის მფლობელი პირები დოკუმენტს პირადი სარგებლობის მიზნით იყენებენ და ომის დროს საზღვარზე დასეირნობენ“,- აღნიშნულია განცხადებაში.

გარდა ამისა, გამოცემის ცნობით, პასპორტების ჩამორთმევა ასევე ეხებათ საკანონმდებლო ორგანოს იმ დეპუტატებს, რომლებმაც მივლინების შემდეგ ოფიციალური დოკუმენტაცია არ წარადგინეს.

აღნიშნული სია სულ 225 პირს მოიცავს.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,