თბილისში, დედაენის ბარმა რუსებისთვის შემოსვლის ვიზები შემოიღო, რომლის მიღებაც სპეციალური კითხვარის შევსების შემდეგაა შესაძლებელი.

როგორც ბარის ადმინისტრაცია ამბობს, რუსეთის ყველა მოქალაქე მისასალმებელი არ არის.

"ჩვენ თანასწორობისა და ერთიანობის მომხრე ვართ, მაგრამ უნდა დავრწმუნდეთ, რომ ტვინი გამორეცხილი რუსი იმპერიალისტები ჩვენს ბარში არ აღმოჩნდნენ. გთხოვთ, მხარი დაგვიჭიროთ აპლიკაციის შევსებით. გმადლობთ გაგებისთვის. "- ნათქვამია განცხადებაში.

ბარში შესვლა ნებადართულია მხოლოდ იმ რუსებისთვის, რომლებიც ეთანხმებიან შემდეგ განჩინებებს:

• მე პუტინს ხმა არ მივეცი, ის დიქტატორია
• ვგმობ რუსეთის აგრესიას უკრაინაში
• ყირიმი არის უკრაინა, ისევე როგორც სხვა სადავო ტერიტორიები
• აფხაზეთი და ცხინვალის რეგიონი საქართველოს ეკუთვნის
• საქართველოს ტერიტორიის 20% ოკუპირებულია რუსეთის მიერ
• რუსეთის შემოსევის გამო ყოველი მე-12 ქართველი გახდა ლტოლვილი
• მომწონს ფრაზა "რუსულო სამხედრო გემო, წადი..."
• დიდება უკრაინას

ბარის ქცევის კოდექსი ხალხს სთხოვს პატივისცემით მოეპყრონ საქართველოს, დაუკავშირდნენ ბარის თანამშრომლებს ქართულად ან ინგლისურად, არ შესთავაზონ გადახდა რუბლებში და არ ჩაერთონ პოლიტიკურ დისკუსიებში ნასვამ მდგომარეობაში.

ამის შემდეგ უკმაყოფილო მომხმარებლებმა დაიწყეს ბარის რეიტინგის მასიურად შემცირება - ის 5-დან 2.5-მდე დაეცა. უკრაინელები დაწესებულების რეიტინგის გაზრდას დადებითი შეფასებებით ცდილობენ.

ავტორი: ექსპრესნიუსი,

სოციალური ქსელები

რუსეთმა ელენე ხოშტარიას პარტია დროა არასასურველ ორგანიზაციად გამოაცხადა

არასამთავრობოები -ოცნება არჩევნების შედეგების გასაჩივრებას კრძალავს, ცვლილებებს უარყოფითად ვაფასებთ

Financial Times: ტრამპისა და რუსეთს შორის დიზელის თაობაზე დადებული შეთანხმება საფრთხეშია

რეკორდული წარმომადგენლობა - აშშ-ის კონგრესა და სენატში შვიდი მუსლიმი აირჩიეს