საქართველოს მთავრობამ „განსაკუთრებული მნიშვნელობის ობიექტების (მათ შორის, რადიაციული ან ბირთვული ობიექტების) მშენებლობის ნებართვის გაცემის წესისა და სანებართვო პირობების შესახებ“ დადგენილებაში ცვლილები შეიტანა. 

კონკრეტულად კი,  „განსაკუთრებული ობიექტის“ სტატუსი შავ ზღვაში ხელოვნური კუნძულის პროექტს მიენიჭა. 

დადგენილება გამოქვეყნებისთანავე ამოქმედდა. 

ცნობისთვის, ბათუმში ხელოვნური კუნძული შენდება. პროექტის მიხედვით, შავ ზღვაში ორი ნახევარკუნძული და ერთი კუნძული შეიქმნება. მათზე მოწყობილ ინფრასტრუქტურას გასართობ-გამაჯანსაღებელი ფუნქცია ექნება, რაც ულტრათანამედროვე და ფეშენებელური სასტუმროების, ვილების, აპარტამენტების, ბულვარისა და სხვა დასასვენებელი თუ გასართობი ზონების გაშენებას გულისხმობს.

მას ამბასადორ ჯგუფი აფინანსებს, რომელიც საქართველოში რამდენიმე სასტუმროს ფლობს. კომპანიამ პროექტის პირველი ფაზის განსახორციელებლად $100 მილიონის ინვესტიცია უკვე გამოყო.

როგორც აჭარის მთავრობის თავმჯდომარემ თორნიკე რიჟვაძემ და საქართველოს ეკონომიკის მინისტრმა ნათია თურნავამ განაცხადეს, პროექტი კერძო ინვესტიციით განხორციელდება და სახელმწიფო თავის თავზე მინიმალურ რისკებს აიღებს. 

ავტორი: ექსპრესნიუსი,

სოციალური ქსელები

ზელენსკი: აშშ-ს ზამთრისთვის ომის დეესკალაცია სურს

ტრამპი: ჩვენ მოვიგებთ შუალედურ არჩევნებს და გადავარჩენთ ამერიკას

ღარიბაშვილი - ბევრი სახედაკარგული ადამიანის უღირსი, ყალბი და ფარისევლური განცხადება და კომენტარი მოვისმინე, ისინი ჩემგან პასუხის ღირსნიც კი არ არიან

ღარიბაშვილი - საზოგადოებამ იხილა ხელისუფლების მორიგი სასაცილო და, ამავდროულად, სრულიად ამაზრზენი და ტრაგიკული მასკარადი - ტყუილად ნუ წვალობთ