საქართველოს პარლამენტის თავდაცვისა და უშიშროების კომიტეტის წევრები მახათას მთაზე იმყოფებოდნენ, სადაც „ჯარის ქალაქის“ მშენებლობა დასასრულს უახლოვდება. პარლამენტარებს საქართველოს თავდაცვის მინისტრის მოადგილემ გრიგოლ გიორგაძემ უმასპინძლა და ბინათმშენებლობის სამუშაოები დაათვალიერებინა. დეპუტატებმა სამხედრო მოსამსახურეებისთვის საბინაო უზრუნველყოფის მიმართულებით დაგეგმილ ინიციატივებზეც იმსჯელეს. ამის შესახებ ინფორმაციას თავდაცვის სამინისტრო ავრცელებს.

 უწყების ცნობით, „ჯარის ქალაქის“ მშენებლობა ოფიცრებისთვის საცხოვრებელი პირობების გაუმჯობესებას ისახავს მიზნად და სამხედრო მოსამსახურეებზე ზრუნვის პოლიტიკის ფარგლებში ხორციელდება. მახათას მთაზე სამხედროებისთვის 7-სართულიანი 39 კორპუსია აშენებული, რომელშიც 1092 ბინაა განთავსებული. ყველა კორპუსში დასრულებულია კარკასული, ბლოკის წყობისა და ვიტრაჟის ჩასმის სამუშაოები. ბინები გამიჯნულია სამეზობლო და შიდა ტიხრებით, ასევე დასრულებულია სახურავის, კიბის უჯრედის, ლიფტის ჰოლისა და გაზიფიცირების სამუშაოები.

უკვე დამონტაჟებულია ლიფტები და მიმდინარეობს ფასადების მოწყობა. სამხედროებმა თეთრი კარკასის მდგომარეობით 50მ2, 80მ2 და 110მ2-იანი საცხოვრებელი ფართი, სულადობის პრინციპის გათვალისწინებით, უპრეცედენტოდ შეღავათიანი პირობებით შეიძინეს. საცხოვრებელი ფართის კვადრატული მეტრის სავარაუდო ღირებულება 200 დოლარია. შესაბამისად, სამხედროები ერთ კვადრატულ მეტრში დაახლოებით 100 დოლარს იხდიან. ამ თანხის გადასახდელად სამხედროებს საშუალება აქვთ არა საბანკო გარანტიებით, არამედ უპროცენტო შიდა განვადებით ისარგებლონ.

პროექტი, რომლის განხორციელება პრემიერ-მინისტრ ირაკლი ღარიბაშვილის ინიციატივით 2020 წლის ოქტომბერში დაიწყო, 2022 წლის ბოლოს დასრულდება. პროექტი განგრძობითი ხასიათის იქნება. ამ მიზნით, თავდაცვის კოდექსში ცვლილებები შევა, რომლის შედეგადაც მაიორი და ზევით ოფიცერთა შემადგენლობა, მასტერ-სერჟანტი და ზევით სერჟანტთა კატეგორია ბინას მიიღებს, რაც იქნება სამხედროების დაფასების მიმართულებით სრულიად უპრეცედენტო გადაწყვეტილება, რომელიც მათ საყოფაცხოვრებო პირობებს მნიშვნელოვნად გააუმჯობესებს.

ავტორი: NS (სტატია დაფინანსებულია),

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება