უკრაინის პრეზიდენტმა ვოლოდიმირ ზელენსკიმ რუსეთის წინააღმდეგ ევროკავშირის სანქციების მეშვიდე რაუნდს „არასაკმარისი“ უწოდა.

სანქციების ახალი პაკეტი მოიცავს რუსული ოქროს იმპორტის აკრძალვას და რუსეთის უმსხვილესი ბანკის -სბერბანკის  აქტივების გაყინვას ევროკავშირის მასშტაბით. ასევე იზრდება რუსეთის სანქცირებული მოქალაქეების სია.

ამავე დროს, ევროკავშირი გამოყოფს 500 მილიონ ევროს, რათა უკრაინისთვის სამხედრო სფეროში დახმარება გაზარდოს.

"ეს საკმარისი არ არის და ამას გულწრფელად ვეუბნები ჩემს პარტნიორებს. რუსეთმა ომისთვის გაცილებით მაღალი ფასი უნდა გადაიხადოს, რათ იძულებული გახდეს ეძიოს მშვიდობა," - განაცხადა ზელენსკიმ ვიდეომიმართვაში. 

ჩეხეთის წარმომადგენელი  განმარტავს, რომ ახალი სანქციებით ევროკავშირი შეუერთდება G7 ქვეყნების მიერ წარმოდგენილ ინიციატივებს. პაკეტი ასევე აძლიერებს სანქციების იმპლემენტაციას და ხარვეზებთან ბრძოლას.

 ზომები ასევე განბლოკავს რუსულ ბანკებში არსებულ აქტივებს, რომლებიც დაკავშირებულია საკვებით და სასუქებით ვაჭრობასთან, რათა უპასუხონ მოსკოვის ბრალდებებს, რომ რუსეთის წინააღმდეგ დაწესებული სანქციები სასურსათო კრიზისს იწვევს.

"ეს იყო პასუხი იმისა, რომ სანქციები საფრთხეს არ შეუქმნის სასურსათო და ენერგეტიკულ უსაფრთხოებას მთელს მსოფლიოში“, განაცხადა ჩეხეთის მთავრობამ.

G7-ის ქვეყნებმა  ივნისში აკრძალეს რუსული ოქროს იმპორტი. ევროკომისიის პრეზიდენტმა ურსულა ფონ დერ ლაიენმა  თქვა, რომ ახალი პაკეტი  ხელს შეუწყობს ადრეული სანქციების უფრო ეფექტურად აღსრულებას და მათ 2023 წლის იანვრამდე გახანგრძლივებას.

„მოსკოვმა უნდა გააგრძელოს მაღალი ფასის გადახდა თავისი აგრესიისთვის“, - დასძინა მან.

 ევროკავშირმა სანქციების რიგით მეშვიდე პაკეტი აამოქმედა, მას შემდეგ რაც  რუსეთი თებერვალში უკრაინაში შეიჭრა.სანქციების ექვსი  რაუნდი უკვე შეეხო  რუსეთის ეკონომიკას, ფინანსურ სისტემას, ცენტრალურ ბანკს, ხელისუფლების მაღალჩინოსნებს, ასევე რუსეთის პრეზიდენტ ვლადიმერ პუტინს და მის ახლო წრეს. სანქციების ბოლო რაუნდი მიღებულ იქნა ივნისში და დააწესა აკრძალვა რუსული ნავთობზე.

ავტორი: ექსპრესნიუსი,

სოციალური ქსელები

მელანია ტრამპმა რუსეთსა და უკრაინას შორის ცეცხლის შეწყვეტის ზონის გაფართოება გამოაცხადა

ეგზიტპოლი: ნეთანიაჰუს პარტია „ლიკუდი“ისრაელის არჩევნებში ლიდერობს, თუმცა მის ბლოკს აბსოლუტური უმრავლესობა არ გააჩნია

თურქეთმა პოლონეთში, Starlink-ის სადგურზე მომხდარი ცეცხლის წაკიდების საქმეზე 85 ადამიანი დააკავა

გერმანელების თითქმის 90% თვლის, რომ მთავრობა ვერ უმკლავდება ქვეყნის პრობლემებს