2022-07-21 10:24:10, 1304 ნახვა
ომი უკრაინაში
უკრაინის სარდლობა - ხერსონში რუსეთის კიდევ რამდენიმე სამხედრო ობიექტი გავანადგურეთ
უკრაინის შეიარაღებული ძალების სამხრეთის ოპერატიული სარდლობის ინფორმაციით, სარაკეტო-საარტილერო ქვედანაყოფებმა ხერსონის ოლქში იერიში მიიტანეს და გაანადგურეს რუსი სამხედროების პოზიციები.
სარდლობის ცნობით, ქალაქ ხერსონის, ბერისლავის და კახოვკის რაიონებში სამეთაურო პუნქტების და საბრძოლო მასალების 6 საწყობის განადგურდა.
"განადგურდა მოწინააღმდეგის 111 სამხედრო, 2 თვითმავალი საარტილერიო დანადგარი, უპილოტო საფრენი აპარატი, ჰაუბიცა და საავტომობილო და ჯავშანტექნიკა,"- იუწყება სამხრეთის ოპერატიული სარდლობა.
რუსეთის თავდაცვის სამინისტროს ხერსონის ოლქზე საარტილერიო-სარაკეტო შეტევის შესახებ ინფორმაცია არ გაუვრცელებია.
ავტორი: ექსპრესნიუსი,
epn.ge (@expressnews.ge)
