ჰააგის საერთაშორისო სასამართლოში 40-ზე მეტმა ქვეყანამ მხარი დაუჭირა რუსეთის ფედერაციის წინააღმდეგ სისხლის სამართლის პროცესის დაწყებას. ამის შესახებ ქვეყნების ერთობლივ განცხადებაშია ნათქვამი.

განცხადების ხელმომწერები ადასტურებენ უკრაინის მხარდაჭერას რუსეთის წინააღმდეგ სამართალწარმოებაში იუსტიციის საერთაშორისო სასამართლოში გენოციდის დანაშაულის აღკვეთისა და დასჯის შესახებ 1948 წლის კონვენციის შესაბამისად.

სარჩელის მიზანია დაამტკიცოს, რომ რუსეთს უკრაინაში სამხედრო ქმედების სამართლებრივი საფუძველი არ გააჩნდა. ასევე, რუსეთის ფედერაციას არ აქვს და არ გაამართლა უკრაინელების მიმართ გენოციდის გამოყენება.

ხელმომწერი მხარეები ხაზს უსვამენ ასეთი სასამართლო პროცესის მნიშვნელობას და კიდევ ერთხელ მოუწოდებენ რუსეთს „დაუყოვნებლივ შეაჩეროს სამხედრო ოპერაციები უკრაინაში, როგორც ეს სასამართლომ დაავალა 2022 წლის 16 მარტის დროებითი ზომების შესახებ ბრძანებაში“.

განცხადებას ხელს აწერენ ალბანეთი, ანდორა, ავსტრალია, ავსტრია, ბელგია, ბულგარეთი, კანადა, ხორვატია, კვიპროსი, ჩეხეთი, დანია, ესტონეთი, ფინეთი, საფრანგეთი, გერმანია, საბერძნეთი, ისლანდია, ირლანდია, იტალია, იაპონია, ლატვია, ლიტვა, ლუქსემბურგი, მალტა, მარშალის კუნძულები, მოლდოვა, მონაკო, მონტენეგრო, ნიდერლანდები, ახალი ზელანდია, ჩრდილოეთ მაკედონია, ნორვეგია, პალაუ, პოლონეთი, პორტუგალია, რუმინეთი, სან მარინო, სლოვაკეთი, სლოვენია, ესპანეთი, შვედეთი, დიდი ბრიტანეთი, აშშ და ევროკავშირი.

იუსტიციის საერთაშორისო სასამართლოს გადაწყვეტილებები დროებითი ზომების შესახებ იურიდიულად სავალდებულოა მხარეებისთვის. სასამართლოს 2022 წლის 16 მარტის გადაწყვეტილების შეუსრულებლობა წარმოადგენს რუსეთის მიერ მისი საერთაშორისო ვალდებულებების შემდგომ დარღვევას.

ავტორი: ექსპრესნიუსი,

სოციალური ქსელები

წილოსანი ევროპის ქვეყნებზე - სულ ცოტა დრო გავიდა და ანალოგიურმა ძალადობრივმა აქციებმა ევროპის ქვეყნების ქუჩებშიც იფეთქა

ლაშა ფარულავა - მოვითხოვთ, შეწყდეს ხალხის სოციალური ტერორი და „ოცნებამ“ პასუხისმგებლობა აიღოს გაძვირებულ ცხოვრებაზე, საწვავი 5 ლარს გასცდა

უკრაინამ ერთ თვეში მეხუთედ დაარტყა რუსეთის უდიდეს ნავთობის ჰაბს სამარის რეგიონში

საიას შეფასებით, პაატა მანჯგალაძის წინააღმდეგ წარმოდგენილი მტკიცებულებები არ იყო საკმარისი გონივრულ ეჭვს მიღმა სტანდარტით მისი ბრალეულობის დასადასტურებლად