ფონდის Innopraktika-ს ხელმძღვანელი, კატერინა ტიხონოვა, გახდა  რუსეთის მრეწვეელთა და მეწარმეთა კავშირის, იმპორტის ჩანაცვლების საკოორდინაციო საბჭოს თანათავმჯდომარე . ეს ინფორმაცია RBC-ს რუსეთის მრეწვეელთა და მეწარმეთა კავშირის პრესსამსახურში დაუდასტურეს.

პუტინის ქალიშვილამდე საბჭოს ხელმძღვანელობდა RSPP-ის თავმჯდომარე ალექსანდრე შოხინი.

საბჭო შეიქმნა იმპორტის ჩანაცვლების შესახებ, ორგანოების საქმიანობის კოორდინაციისთვის, იმპორტირებული აღჭურვილობის ჩანაცვლების წარმატებული პრაქტიკის განზოგადებისთვის, ციფრული სერვისების შესაქმნელად იმპორტის ჩანაცვლების მხარდასაჭერად და საკანონმდებლო ინიციატივების ფორმირებისთვის, ნათქვამია RSPP-ის პრესსამსახურში.

ივლისის დასაწყისში, Innopraktika-ს პრესსამსახურმა განუცხადა RBC-ს, რომ ტიხონოვამ მიიღო შეთავაზება საბჭოში გაწევრიანების შესახებ, მაგრამ ჯერ არ დათანხმდა ამაზე.

Reuters-მა, Bloomberg-მა და BBC-მ კატერინა ტიხონოვას რუსეთის პრეზიდენტის ვლადიმერ პუტინის უმცროსი ქალიშვილი უწოდეს, ამას Meduza-ს წყაროებიც ადასტურებენ.

რუსეთის მიერ უკრაინაში შეჭრის შემდეგ, შეერთებულმა შტატებმა და ევროკავშირმა სანქციები დაუწესეს ტიხონოვას და პუტინის კიდევ ერთ სავარაუდო ქალიშვილს, მარია ვორონცოვას. კრემლმა პირობა დადო, რომ უპასუხებდა სანქციებს, რითაც ფაქტობრივად აღიარებდა ტიხონოვასა და ვორონცოვას ურთიერთობას პრეზიდენტთან.

Innopraktika-ს მართვის გარდა, ტიხონოვა ასევე არის მოსკოვის სახელმწიფო უნივერსიტეტის რთული სისტემების მათემატიკური კვლევის ინსტიტუტის დირექტორის მოადგილე და მოსკოვის სახელმწიფო უნივერსიტეტის ხელოვნური ინტელექტისა და ინტელექტუალური სისტემების მოწინავე კვლევის ინსტიტუტის ხელმძღვანელი.

ავტორი: ექსპრესნიუსი,

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს